Onlayn ictimai-siyasi qəzet
Avropanın neft-qaz şirkətlərinin mənfəəti kəskin azalıb
2024-cü ilin dördüncü rübündə demək olar ki, bütün Avropa neft və qaz şirkətlərinin mənfəəti kəskin azalıb.
Musavat.com MarketWatch-a istinadən xəbər verir ki, buna səbəb neft qiymətlərinin düşməsi, neft emalı zavodlarında aşağı emal marjasıdır.
Gələn həftə hesabatların açıqlanması başlayır. Böyük Britaniyaya məxsus Shell yanvarın 30-da nəticələrini açıqlayan ilk şirkət olacaq. Fransanın TotalEnergies və Norveçin Equinor şirkətləri fevralın 5-də, BP Plc fevralın 11-də, Avstriyanın OMV-si fevralın 4-də, Galp, Repsol və Eni isə gələn ayın sonunda maliyyə nəticələrini açıqlayacaqlar.
MarketWatch qeyd edir ki, şirkətlərin investisiya planları və leverage səviyyələri investorlar üçün xüsusi maraq doğuracaq.
Sektordakı səhmlər dördüncü rübdə daha geniş indeksi üstələyib, neft və qaz alt indeksi 0,1 faiz, Stoxx Europe 600 isə 2,9 faiz azalıb.
Visible Alpha proqnozlarına görə, Avropanın bütün əsas neft şirkətlərinin oktyabr-dekabr aylarında 2023-cü ilin eyni dövrü ilə müqayisədə düzəliş edilmiş mənfəətlərinin azalması barədə məlumat verəcəyi, yeganə istisnanın Equinor olacağı gözlənilir.
Jefferies analitikləri, gəlirlərin dördüncü rübdə əvvəlki üç ayla müqayisədə təxminən 3 faiz azalacağını gözləyirlər. Onların fikrincə, azalma daha böyük ola bilərdi, lakin bunun qarşısı qaz qiymətlərinin təxminən 15 faiz artması ilə alındı.
JPMorgan ekspertlərinin fikrincə, bazarda 2025-ci ildə vəziyyətin əhəmiyyətli dərəcədə yaxşılaşacağına əmin olanlar azdır.
Musavat.com
XƏBƏR LENTİ
25 Yanvar 2025
00:33 Rusiya miqrantlara qarşı ŞANTAJ siyasətində DALANA DİRƏNƏCƏK - Üzeyir Cəfərovdan UNİKAL TƏHLİL
24 Yanvar 2025
ŞƏRHLƏRŞƏRH YAZ