Onlayn ictimai-siyasi qəzet
“Avropa İttifaqı Azərbaycana qarşı sanksiya tətbiq etməyə hazırlaşmır” – “Politico”
“Avropa İttifaqının (Aİ) Qarabağdakı vəziyyətə görə Bakıya qarşı sanksiyalar tətbiq edəcəyi ehtimalı azdır”.
Musavat.com xəbər verir ki, bunu Brüsseli təmsil edən rəsmi şəxslərlə söhbət əsasında “Politico” qəzeti yazıb.
Nəşr Avropa Parlamentinin müdafiə alt komitəsinin sədri Natali Loisonun (Fransa) sözlərinə istinad edir. Loiso 60 avropalı deputatla birlikdə Aİ diplomatiyasının rəhbəri Cozep Borrelə Azərbaycana qarşı hansı sanksiyaların tətbiq ediləcəyi ilə bağlı sorğu göndərib. O deyir ki, məsələ Aİ-yə üzv dövlətlər səviyyəsində gündəmdədir: “Macarıstan Rusiya, Türkiyə və Azərbaycana çox yaxındır, lakin Avstriya, Bolqarıstan və Rumıniya kimi Azərbaycan qazından asılı olan dövlətlər də var. Öz neft şirkəti üçün lisenziya almağa ümid edən İtaliyanı da bura əlavə etmək olar”.
Nəşr qeyd edir ki, avropalı siyasətçilər tez-tez bəyanatlarında Ermənistanın tərəfini tutmağa hazır olsalar da, Brüssel Xəzər qazını Rusiya qazına alternativ hesab etdiyi üçün Azərbaycanın ictimaiyyətə təsiri daha güclüdür. Materialda deyilir ki, bəzi avropalı siyasətçilərin utancaq narahatlıq ifadələrinə baxmayaraq, iqtisadi böhran Aİ-ni öz dəyərləri və Bakı ilə əməkdaşlığın faydaları arasında seçim etməyə məcbur edir. Qəzetin məlumatına görə, 2022-ci ildə Avropa İttifaqı Trans-Adriatik Boru Kəməri vasitəsilə Azərbaycan qazının ümumi həcminin təxminən 3,4 faizini idxal edib.
Qəzet yazır ki, Bakı təbii qaz ehtiyatlarına görə dünyada dördüncü yerdə olan Türkmənistana yaxın olduğuna görə gələcəkdə Avropa İttifaqının enerji strategiyasında daha mühüm rol oynaya bilər. Hazırda Avropa və Amerika şirkətləri Azərbaycan ərazisindən qaz tranziti üçün infrastrukturun tikintisi ilə bağlı danışıqlar aparır.
Musavat.com
XƏBƏR LENTİ
24 Noyabr 2024
23 Noyabr 2024
ŞƏRHLƏRŞƏRH YAZ