Onlayn ictimai-siyasi qəzet
Ararat Mirzoyan Moskvada çətinə düşdü
Ermənistanın xarici işlər naziri Ararat Mirzoyan Avropa İttifaqı və Avrasiya İqtisadi İttifaqına üzvlük arasında ziddiyyət məsələsini “sonraya” saxlayıb.
Musavat.com bu barədə bildirir. Yanvarın 21-də Rusiyanın xarici işlər naziri Sergey Lavrovla keçirdiyi mətbuat konfransında Mirzoyan bildirib ki, hazırda Ermənistanın Aİ-yə daxil olması üçün konkret vaxt çərçivəsi yoxdur. Nazir xatırladıb ki, hələlik söhbət təşəbbüs qrupunun topladığı imzalardan və buna əsaslanan qanun layihəsindən gedir.
O qeyd edib ki, qanun layihəsi açıqdır. Mirzoyanın sözlərinə görə, qanun layihəsinin qəbuluna hakim “Mülki Müqavilə” partiyasının fraksiyasının səs verəcəyi gözlənilir.
“Bundan sonra nə olacağını daha sonra anlayacağıq. Bu qanun başqa heç nə nəzərdə tutmur”, - nazir bildirib.
İrəvanın Aİ üzvlüyünü Aİİ ilə necə uyğunlaşdıracağını planlaşdırdıqlarına aydınlıq gətirməklə bağlı suala cavab verən nazir qeyd edib ki, ekspertlər burada ziddiyyətlərin olduğuna inanmağa meyllidirlər. Eyni zamanda, o qeyd edib ki, belə bir sual yarananda bu məsələ həll oluna bilər.
Musavat.com
XƏBƏR LENTİ
22 Yanvar 2025
ŞƏRHLƏRŞƏRH YAZ