Onlayn ictimai-siyasi qəzet
Ararat Mirzoyan Bakıya dəvət olundu
Ermənistanın xarici işlər naziri Ararat Mirzoyan Bakıda keçiriləcək BMT-nin İqlim Dəyişikliyi Konfransı COP29-da iştirak etmək üçün dəvət alıb.
Musavat.com xəbər verir ki, bu barədə Ermənistan Xarici İşlər Nazirliyinin rəhbərinin müavini Paruyr Ovannisyan məlumat verib.
O bildirib ki, bu dəvət həm sülhün bərqərar olması, həm də humanitar məsələlərin həlli üçün önəmli imkanlar yaradır. O, Ermənistan tərəfinin tədbirdə hansı səviyyədə təmsil olunacağına dair qərarın yaxın həftələrdə veriləcəyini də qeyd edib.
Ovannisyanın sözlərinə görə, Mirzoyanın konfransda iştirakı barədə hələ də qəti qərar verilməyib və bu, növbəti həftələrdə yaranacaq vəziyyətdən asılı olacaq.
COP29 kimi beynəlxalq tədbirlər, iqlim dəyişikliyi ilə bağlı qlobal müzakirələrin mərkəzində olduğundan, belə bir tədbirdə iştirak siyasi və ekoloji baxımdan hər iki ölkə üçün əhəmiyyət kəsb edə bilər.
Musavat.com
XƏBƏR LENTİ
15 Noyabr 2024
ŞƏRHLƏRŞƏRH YAZ