Onlayn ictimai-siyasi qəzet
Almaniyanın “Şimal axını-2” qaz kəməri ilə bağlı mövqeyi dəyişməz qalır
Almaniyanın fevral ayında sertifikatlaşdırılması dayandırılan və bununla da istismarı qeyri-mümkün olan “Şimal axını-2” qaz kəməri ilə bağlı mövqeyi dəyişməyib.
AZƏRTAC xəbər verir ki, bu barədə Almaniya hökumətinin nümayəndəsi TASS informasiya agentliyinin müxbirinə deyib.
Fevralın 22-də Almaniya kansleri Olaf Şolts Rusiyanın Donetsk və Luqanskın suverenliyini tanıması səbəbindən “Şimal axını-2” layihəsinin sertifikatlaşdırılmasını dayandırdığını elan edib. Bir müddət sonra ABŞ Prezidenti Cozef Baydenin administrasiyası tərəfindən “Şimal axını-2 AG” layihəsinin operatoruna və rəhbərliyinə qarşı sanksiyalar tətbiq olunub.
Qeyd edək ki, “Şimal axını-2” qaz kəmərinin tikintisi 2021-ci il sentyabrın 10-da tam başa çatıb. Rusiya sahillərindən Baltik dənizi vasitəsilə Almaniyaya qədər uzanan kəmərin ümumi tutumu ildə 55 milyard kubmetrdir.
XƏBƏR LENTİ
05 Oktyabr 2024
ŞƏRHLƏRŞƏRH YAZ