Onlayn ictimai-siyasi qəzet
Almaniyada DƏHŞƏT: Ekskavator oğurlayan şəxs polis tərəfindən ÖLDÜRÜLDÜ - VİDEO
Almaniyanın Baden-Vyurtemberq əyalətində ekskavator oğurlayan və polis əməkdaşını yaralayan şəxs hüquq-mühafizə orqanlarının gülləsi ilə öldürülüb.
Musavat.com "Bild"ə istinadla xəbər verir ki, Main-Tauber bölgəsində bir şəxs ekskavatoru oğurlayıb və Grünsfelddən Tauberbischofsheim şəhərinə qədər idarə edib.
Yol boyu o, polis patrul avtomobillərinə və digər nəqliyyat vasitələrinə ciddi ziyan vurub. Hadisə zamanı bir qadın polis əməkdaşı yaralanıb.
Polis oğrunu yalnız Tauberbischofsheim şəhərində zərərsizləşdirə bilib. Ekskavatoru dayandırmaq mümkün olmadığı üçün hüquq-mühafizə orqanları odlu silahdan istifadə etmək məcburiyyətində qalıb. Şəxs hadisə yerində aldığı güllə yarasından dünyasını dəyişib.
Hazırda insidentlə bağlı genişmiqyaslı araşdırma aparılır.
@@TVmusavat/104905@@
Musavat.com
XƏBƏR LENTİ
04 Yanvar 2025
ŞƏRHLƏRŞƏRH YAZ