Onlayn ictimai-siyasi qəzet
Almaniya vətəndaşları ildə bir dəfə cinsini dəyişə biləcək - YENİ QANUN
Almaniyada "öz müqəddəratını təyinetmə haqqında" qanun qəbul edilib.
Sənədlərdə insanların cinsini ildə bir dəfə və sadə tətbiqin köməyi ilə dəyişdirmək mümkün olacaq.
Əsasən hakim koalisiyaya daxil olan partiyalardan olan 374 deputat Bundestaqda "Öz müqəddəratını təyinetmə aktı" adlanan qanunun lehinə səs verib. 251 səs əleyhinə olub, 11 nəfər bitərəf qalıb.
Beləliklə, 2024-cü il noyabrın 1-dən vətəndaşlar hər 12 aydan bir - sadə şifahi bəyannamə vasitəsilə cinsiyyətini dəyişə biləcəklər.
14 yaşından kiçik uşaqlar üçün tələb olunan bəyannaməni yalnız valideynlər və ya qəyyumlar təqdim edə bilər. 14 yaşdan yuxarı olan yetkinlik yaşına çatmayanlar bunu özləri edə bilərlər, ancaq valideynlərin razılığı ilə. Hər iki halda əvvəlcədən xəbərdarlıq tələb olunur.
1981-ci il tarixli əvvəlki transseksual qanunda vətəndaşların cinsini və ya adını dəyişmək üçün iki psixoloji hesabat təqdim etmələri nəzərdə tutulurdu. Sonda rayon məhkəməsi qərar qəbul edirdi.
Qanunun dəyişdirilməsinin tərəfdarları mövcud proseduru alçaldıcı adlandırıblar. (Qaynarinfo)
XƏBƏR LENTİ
28 Dekabr 2024
ŞƏRHLƏRŞƏRH YAZ