Onlayn ictimai-siyasi qəzet
Aİ-dən Rusiyaya ölümcül zərbə: Sentyabrda ELAN EDİLƏCƏK
Avropa İttifaqı (Aİ) ölkələri Rusiyaya qarşı növbəti, 19-cu sanksiyalar paketi üzərində işləyir. Hazırlıq prosesi çərçivəsində bir neçə iqtisadi məhdudiyyət variantı nəzərdən keçirilir.
Musavat.com "RBK-Ukrayna" istinadən xəbər verir ki, bunu Aİ-nin xarici işlər üzrə ali nümayəndəsi Kaja Kallas bildirib.
Kallasın sözlərinə görə, masada bir neçə variant var.
"Masada bir neçə variant var. Təbii ki, enerji sektoruna yönələn sanksiyalar Rusiyaya ən çox zərbə vuracaq. Həmçinin, amerikalıların tətbiq etdiyi ikinci dərəcəli sanksiyalara bənzər tədbirlər də nəzərdə tutulur. Maliyyə xidmətlərinə məhdudiyyətlər onların ehtiyac duyduğu kapitala çıxışını əngəlləyəcək".
O əlavə edib ki, yeni sanksiyalara yekdil dəstək ətrafında müzakirələr hələ davam edir.
"Putin sadəcə olaraq həyata keçirilən istənilən dinc səyləri ələ salır. Ona görə də Rusiyaya təzyiqləri artırmalıyıq", – deyə Kallas vurğulayıb.
19-cu sanksiyalar paketi nələrə yönələcək?
Əvvəlki məlumatlara görə, Aİ Rusiyaya qarşı 19-cu sanksiyalar paketini Ukraynaya qarşı müharibə başlanandan bəri hazırlayır.
Ukrayna Brüsseldə məhdudlaşdırıcı tədbirlərin yeni siyahısına dair təkliflərini təqdim edib, sanksiya komissarı Vladislav Vlasyuk bildirib.
Məlumata görə, sentyabr ayında təqdim ediləcək paket xüsusilə Rusiyanın məhdudiyyətlərdən yan keçməsinə imkan verən “kölgə donanması” və müəyyən şirkətlərə qarşı yönələcək.
Ekspertlər hesab edir ki, Moskva üçün ən ağrılı məqam ikinci dərəcəli sanksiyalar ola bilər. Bu sanksiyalar Rusiyaya qarşı iş aparan şirkət və ölkələrə təsir edir, lakin Kreml iqtisadiyyatına real təsiri ABŞ-ın tətbiq etdiyi tədbirlər yaradır.
Musavat.com
XƏBƏR LENTİ
29 Avqust 2025
ŞƏRHLƏRŞƏRH YAZ