Onlayn ictimai-siyasi qəzet
ABŞ Ukrayna üçün hava təhlükəsizliyini dronlarla təmin etmək niyyətindədir
Birləşmiş Ştatlar Ukrayna üçün gələcək təhlükəsizlik zəmanətlərinin bir hissəsi kimi hava dəstəyinin müxtəlif variantlarını nəzərdən keçirir.
Musavat.com xəbər verir ki, CNN telekanalı bu zaman təyyarələrdən deyil, daha çox pilotsuz uçuş aparatlarından istifadəyə üstünlük verildiyinə dair məlumat yayıb
Mənbələrin bildirdiyinə görə, hərbçilər bu həftə hava dəstəyinin əsas mövzulardan biri olmaqla geniş variantları müzakirə ediblər. Tramp administrasiyasında amerikalı pilotların Ukrayna üzərində pilotlu missiyaları yerinə yetirmək üçün göndərilməsi ilə bağlı "müəyyən narahatlıq" olsa da, pilotsuz təyyarələrdən istifadə ideyasına "çox açıqlıq" var.
ABŞ pilotlarının Ukrayna üzərində müşahidə uçuşları həyata keçirməsi ehtimalı da “müvəqqəti seçim” kimi nəzərdən keçirilir. Bu, hava polisi missiyalarında amerikan qırıcılarından istifadə etmədən cəbhə xəttindən yüksək keyfiyyətli təsvirləri təmin edərdi.
ABŞ prezidenti Donald Tramp “Fox News” telekanalına müsahibəsində deyib ki, Ukrayna üçün təhlükəsizlik zəmanətlərinə NATO-nun müdafiəsi daxil ola bilməz. O əlavə edib ki, ABŞ Avropaya kömək etməyə hazır olacaq, xüsusən də "hava gücündən danışırıqsa", lakin dəqiq nə demək istədiyini açıqlamayıb. O, həmçinin qeyd edib ki, o, ABŞ prezidenti olaraq qaldığı müddətdə Ukrayna ərazisində ABŞ qoşunları olmayacaq.
Musavat.com
XƏBƏR LENTİ
23 Avqust 2025
22 Avqust 2025
ŞƏRHLƏRŞƏRH YAZ