Onlayn ictimai-siyasi qəzet
ABŞ Kiprə silah embarqosunu ləğv edib - Türkiyənin cavabı olacaq
Ankara Vaşinqtonun Kiprə silah tədarükü embarqosunu ləğv etməsinə konkret cavab verəcək.
AZƏRTAC, “Milliyet” qəzetinə istinadla xəbər verir ki, bu barədə Türkiyənin xarici işlər naziri Mövlud Çavuşoğlu bildirib.
“Biz ABŞ-ın bu qərarına konkret addımlarla cavab verəcəyik”, - Mövlud Çavuşoğlu belə deyib.
Onun sözlərinə görə, Birləşmiş Ştatların embarqonu ləğv etməsinə cavab olaraq Türkiyə Şimali Kipr Türk Respublikasında hərbi mövcudluğunu artırmaq və Kipr türklərinin müdafiəsi üçün oraya zəruri silah-sursat çatdırmaq niyyətindədir.
ABŞ Kiprə silah tədarükünə 35 il əvvəl qoyulmuş embarqonun ləğv olunduğunu sentyabrın ortalarında elan edib. Dövlət katibi Entoni Blinken bildirib ki, Nikosiya 2023-cü maliyyə ilində Amerika hərbi məhsullarını almaq üçün bütün şərtləri yerinə yetirib.
XƏBƏR LENTİ
15 Oktyabr 2024
ŞƏRHLƏRŞƏRH YAZ