Onlayn ictimai-siyasi qəzet
ABŞ-ın sənaye istehsalı gözləniləndən ikiqat çox azaldı
ABŞ-ın sənaye istehsalı iyul ayında əvvəlki ayla müqayisədə 0,6 faiz - yanvar ayından bəri ən sürətli templə azalıb. Musavat.com xəbər verir ki, göstəriciləri Federal Ehtiyat Sistemi açıqlayıb.
Trading Economics-in sorğusuna qatılan ekspertlər orta hesabla 0,3 faiz azalma proqnozlaşdırmışdılar.
Ümumi məhsulun 78 faizini təşkil edən emal sənayesində istehsal keçən ay 0,3 faiz azalıb. Hasilat sənayesində (o cümlədən neft və qaz hasilatı) göstərici dəyişməyib. Elektrik kommunal sənayesi güclü müqayisəli əsasda 3,7 faiz azalma göstərib, halbuki kəskin istilərin olduğu iyun ayında bu rəqəm kondisionerdən istifadələrə görə 2,6 faiz artmışdı.
Avtomobil istehsalı 7 faiz azalıb.
İyulda istehsal gücündən istifadə bir ay əvvəl yenidən işlənmiş 78,4 faizdən 77,8 faizə düşüb.
İllik ifadədə keçən ay ABŞ-da sənaye istehsalı 0,2 faiz azalıb.
Musavat.com
XƏBƏR LENTİ
22 Noyabr 2024
21 Noyabr 2024
ŞƏRHLƏRŞƏRH YAZ