Onlayn ictimai-siyasi qəzet
ABŞ-ın Çindəki rəsmi şəxslərinə İLGİNC QADAĞA
ABŞ hökuməti Çində çalışan Amerika hökumət işçilərinə və onların ailə üzvlərinə Çin vətəndaşları ilə romantik münasibət qurmağı qadağan edib.
Musavat.com xəbər verir ki, məlumatı mənbələrə istinadən “Associated Press” (AP) agentliyi yayıb.
Bildirilir ki, 2024-cü ilin yayında amerikalı personalın ABŞ səfirliyi və Çindəki beş konsulluğunda mühafizəçi və digər yardımçı heyət kimi çalışan Çin vətəndaşları ilə “romantik və intim əlaqələr” qurmasını qadağan edən siyasət qəbul edilib. Yanvar ayında ABŞ-ın Çindəki səfiri Nikolas Berns istənilən Çin vətəndaşı ilə bu cür münasibətlərə tam qadağa qoyub.
Agentlik qeyd edir ki, istisna yalnız qadağa tətbiq edilməzdən əvvəl Çin vətəndaşı ilə əlaqəsi olan dövlət qulluqçuları üçün edilə bilər. İcazə üçün müraciət edə bilərlər, lakin rədd edilərsə, ya münasibətləri dayandırmalı, ya da tutduqları vəzifədən istefa verməlidirlər.
Agentlik bildirib ki, siyasət yanvar ayında Çindəki ABŞ personalına şifahi və elektron şəkildə çatdırılıb, lakin ictimaiyyətə heç bir açıqlama verilməyib.
Musavat.com
ƏLAQƏLİ XƏBƏRLƏR
XƏBƏR LENTİ
04 Aprel 2025
ŞƏRHLƏRŞƏRH YAZ