Onlayn ictimai-siyasi qəzet
ABŞ dövlət bayrağı endiriləcək
ABŞ prezidenti Donald Tramp Minnesota ştatının Minneapolis şəhərindəki katolik məktəbində baş verən atışmada həlak olanların xatirəsinə ölkədə və xaricdə dövlət binaları üzərində bayraqların endirilməsinə göstəriş verib. Musavat.com xəbər verir ki, onun müvafiq qərarında qeyd olunur ki, zorakılıq aktının qurbanlarının şərəfinə “Amerika Birləşmiş Ştatlarının bayrağı Ağ Evdə, bütün hökumət binaları və ərazilərində 31 avqust günəş batana qədər” yarıya qədər endirilsin.
Sənədin mətnində deyilir ki, sərəncam hərbi postlara, hərbi dəniz bazalarına və məhkəmə binalarına, habelə ABŞ-ın xaricdəki səfirliklərinə, konsulluqlarına və digər nümayəndəliklərinə də şamil edilir.
Qeyd edək ki, bu gün Minneapolis şəhərindəki katolik məktəbində 20 yaşlı gənc atəş açaraq 8 və 10 yaşlı iki uşağı öldürüb, 17 nəfəri yaralayıb. Yaralılardan ikisinin vəziyyəti ağırdır. Onun tüfəng, tapança və ov tüfəngi ilə silahlandığı bildirilir. O, hadisə yerinin yaxınlığında intihar edib.
Musavat.com
XƏBƏR LENTİ
29 Avqust 2025
28 Avqust 2025
ŞƏRHLƏRŞƏRH YAZ