Onlayn ictimai-siyasi qəzet
ABŞ-da skandal: Ukraynalılara 7 gün vaxt verildi – əks halda federal axtarış
Son günlər ABŞ-da yaşayan bir sıra ukraynalılar təlaş içindədirlər.
"Reuters" agentliyi ABŞ prezidenti Donald Trampın administrasiyasının ukraynalı qaçqınlara səhvən deportasiya məktubları göndərdiyini açıqlayıb.
Musavat.com xəbər verir ki, ABŞ-da humanitar proqramlar çərçivəsində qanuni şəkildə yaşayan ukraynalılar bu həftə ərzində elektron məktublar vasitəsilə ölkəni yeddi gün ərzində tərk etmələri barədə göstəriş alıblar. Əks halda, federal hökumət onları axtaracaq və ölkədən çıxaracaq.
Məktublarda ukraynalıların statusunun ləğv edildiyi qeyd olunub və onların ABŞ-da qalmasının artıq qeyri-qanuni olduğu bildirilib. Halbuki həmin şəxslər qanuni humanitar proqramlara əsasən ölkədə yaşayırlar.
ABŞ Daxili Təhlükəsizlik Nazirliyinin nümayəndəsi məsələ ilə bağlı açıqlama verərək bildirib ki, bu məktublar səhvən göndərilib və texniki nasazlıqla bağlıdır.
Hazırda məsələ ictimai rezonans doğurub və ABŞ-da yaşayan ukraynalılar arasında narahatlıq artıb.
Musavat.com
XƏBƏR LENTİ
05 Aprel 2025
ŞƏRHLƏRŞƏRH YAZ