Onlayn ictimai-siyasi qəzet
Yeni yaradılan kanaldan ilk eksklüziv kadrlar: icraçı direktor iddialı hədəfləri açıqladı – VİDEO
Məlum olduğu kimi, Azərbaycanda ANEWZ beynəlxalq televiziya kanalı fəaliyyətə başlayıb.
Qlobal xəbər və analitika sahəsində alternativ baxış təqdim edən ANEWZ, həftənin 7 günü, 24 saatlıq yayım formatında dünyaya Qafqaz, Mərkəzi Asiya və Yaxın Şərq regionunun səsini çatdıracaq.
İndiyədək beynəlxalq media platformalarında az eşidilən və fərqli yanaşmalarla təqdim olunan mövzular Bakıdan dünyanın 110-dan çox ölkəsinə yayımlanacaq.
Bu gün “Yeni Müsavat” Media Qrupun rəhbəri Rauf Arifoğlu televiziyaya dəvət olunub.
Kanalın icraçı direktoru Rüfət Həmzəyev Musavat.com-a eksklüziv açıqlamasında bildirib ki, kanalın yaradılması ilə regional və qlobal məqsədlərə nail olmaq hədəfi qoyulub:
“6 noyabr televiziya və radio işçiləri günündə vaxt tapıb gəldiyinizə görə təşəkkür edirəm. ANEWZ kanalı 110-dan çox ölkədə yayımlanır. İlkin olaraq 12-dən çox ölkədə bürolarımız fəaliyyət göstərəcək. Kanalın əsas məqsədi regionun eşidilməyən, bəzi hallarda bilərəkdən yan keçilən səsinin qobal media platformasında eşidilməsidir. Region dedikdə Cənubi Qafqaz, Mərkəzi Asiya və Yaxın Şərq nəzərdə tutulur.
Etiraf edək ki, geosiyasi nöqteyi-nəzərdən yanaşsaq, çox fərqli xəbərlərin çatdırılmasına, eyni zamanda regiona münasibət formalaşdırılmağa çalışılıb. Biz də media olaraq bu məsələlərin aradan qaldırılması üçün çalışacağıq. İlkin mərhələdə sırf ingilisdilli kanal kimi yayıma başlamışıq. Hədəflərimiz böyükdür. İşçilərimiz dünyanın 10-dan çox ölkəsindən seçilmiş jurnalistlərdir.
ABŞ, Böyük Britaniya, Portuqaliya, İspaniya, Rusiya, Ukrayna, Yaxın Şərq, Afrika ölkələrindən təmsilçilərimiz var. Onlar beynəlxalq imici formalaşdırmaqla yanaşı, həm də beynəlxalq jurnalistika standartlarının tətbiq edilməsi, ingilisdilli media mərkəzinin formalaşdırılmasında dəstək olurlar. Kanalın əsas məqsədlərindən biri ölkədə ingilisdilli jurnalistikanın mərkəzi kimi çıxış etməkdir”.
Kanalın fəaliyyəti ilə aşağı linklər vasitəsilə tanış olmaq olar:
www.anewz.tv
Instagram: @anewz.tv
X Platforması: @anewz_tv
Linkedln: ANEWZ
Facebook: ANEWZ
YouTube: ANEWZ TV
Nigar HƏSƏNLİ,
Musavat.com
XƏBƏR LENTİ
06 Noyabr 2024
ŞƏRHLƏRŞƏRH YAZ