Əməkdar artist Xəyyam Nisanov bir sıra həmkarlarının “Bizi toylardan kənarlaşdırır” fikirlərinə münasibət bildirib.
Bu haqda sənətçi qonaq olduğu “Özəl” verilişində danışıb.
Proqramın aparıcısı Kazım Sübhanın “Deyirlər, Xəyyam toyda monopoliya yaradıb” sözlərinə Xəyyamın cavabı belə olub:
“Monopoliya oyun görmüşəm. Mən də bu cür sözlər eşidirəm. Yəqin həmin insanlar əyləncəyə, boşluğa çox vaxt ayırır. Öz işimlə məşğulam və bunu peşəkarcasına bilirəm. Toy müğənnisiyəm. Toyu idarə etməyi gözəl bacarıram. Böyük səhnədə, stadionda hələ ki bunu deyə bilmərəm. Çərçivəm var, orada özümü rahat hiss edirəm. Bir insanı istəməsələr onu hansısa toya salmaq olmaz. Necə deyə bilərsən ki, filankəs dostumdur gəlsin. Qeyri-peşəkar insan xoşlamıram. Elə insanlar var ki, səhnəyə təsadüfən gəliblər. İstəyərdim ki, məni musiqiçi adlandırsınlar, müğənni yox. Həmin təsadüfən gələnlərin hamısı özünə müğənni yazdırır”.
Qeyd edək ki, müğənni Nura Suri qonaq olduğu verilişlərin birində Xəyyam Nisanovun bir sıra ifaçıları toydan uzaqlaşdırdığını bildirib. (olay)
ŞƏRHLƏRŞƏRH YAZ