Onlayn ictimai-siyasi qəzet
“Volkswagen” iki elektromobilin istehsalını DAYANDIRIR
Almaniyanın “Volkswagen” Qrupu oktyabrda iki elektromobil modelinin istehsalını dayandıracaq və gözləntilərdən aşağı tələbat səbəbindən digərlərinin istehsalını azaldacaq.
Musavat.com xarici KİV-ə istinadən xəbər verir ki, oktyabrın 2-dən oktyabrın 13-dək Almaniyanın Zwickau şəhərindəki zavodda “Volkswagen ID 3.” və “Cupra Born” avtomobillərinin istehsalı dayandırılacaq.
Bununla əlaqədar olaraq, Drezdendəki "Volkswagen" zavodu oktyabrın 16-dək işləməyəcək.
Zwickau zavodunda isə "Audi" və "Volkswagen" markaları altında avtomobillərin istehsalı iki həftə ləngiyəcək.
"Biz bazarın vəziyyətini nəzərə alaraq istehsal planlarını dəyişmək məcburiyyətindəyik, indi bazarda qeyri-müəyyənlik hökm sürür" - deyə konsernin nümayəndəsi bildirib.
Qeyd edək ki, sentyabrın ortalarında "Volkswagen" aşağı tələb səbəbindən Zwickau zavodunda 269 işçini işdən çıxaracağını açıqlayıb.
Musavat.com
XƏBƏR LENTİ
21 Sentyabr 2024
20 Sentyabr 2024
ŞƏRHLƏRŞƏRH YAZ