Onlayn ictimai-siyasi qəzet
ÜST: Əfqanıstanda tibbi əməliyyatların 80 %-i iyun ayına qədər dayandırıla bilər
Ümumdünya Səhiyyə Təşkilatı (ÜST) əlavə maliyyələşdirmənin olmayacağı halda Əfqanıstanda dəstəklədiyi səhiyyə müəssisələrinin 80 %-ni bu ilin iyun ayına qədər bağlamaq məcburiyyətində qalacaq.
“Report” xarici KİV-ə istinadən xəbər verir ki, təşkilat bunun 1,8 milyon insana təsirini qeyd edir.
ÜST-ün məlumatına görə, Əfqanıstan yoluxucu xəstəliklərin, o cümlədən qızılca, malyariya və denge qızdırmasının yayılma riski ilə üzləşir. Bundan başqa, ölkə dünyada yalnız iki ölkədə - Əfqanıstan və Pakistanda endemik olaraq qalan poliomielit xəstəliyinin aradan qaldırılması üçün mübarizəni davam etdirir.
Təşkilat həmçinin vurğulayır ki, mövcud vəziyyət ABŞ-nin ÜST-dən çıxması və maliyyələşdirməni dayandırması ilə əlaqədar qızılcanın qlobal monitorinq sisteminin risk altında qalmasına səbəb olur. Təkcə 2025-ci ilin ilk iki ayında Əfqanıstanda 16 min mümkün qızılca hadisəsi və 111 ölüm halı qeydə alınıb.
Xatırladaq ki, "Taliban" 2021-ci ildə hakimiyyətə gəldikdən sonra beynəlxalq təcrid və xarici ölkələrlə rəsmi tərəfdaşlığın olmaması ilə üzləşib. ÜST xəbərdarlıq edir ki, səhiyyə sisteminin çökməsi humanitar böhrana səbəb ola bilər.
XƏBƏR LENTİ
18 Mart 2025
17 Mart 2025
ŞƏRHLƏRŞƏRH YAZ