Onlayn ictimai-siyasi qəzet
UNEC "Yenilikçi və İnkişaf Mükafatı"na layiq görülüb
Azərbaycan Dövlət İqtisad Universiteti (UNEC) Azərbaycan Tələbə Gənclər Təşkilatı İttifaqının (ATGTİ) "Yenilikçi və İnkişaf Mükafatı"na layiq görülüb.
Musavat.com xəbər verir ki, mükafatın təqdim olunması məqsədilə ATGTİ-nin sədri Rəşad Zeynalov UNEC rektoru professor Ədalət Muradovla görüşüb.
Məzunu olduğu universitetdə olmaqdan məmnunluğunu ifadə edən Rəşad Zeynalov UNEC-in dövlət gənclər siyasətinə verdiyi töhfələrdən söz açıb, bu ali təhsil müəssisəsinin tələbə və məzunlarının ölkənin ictimai-siyası həyatında hər zaman önəmli rol oynadıqlarını diqqətə çatdırıb. Rəşad Zeynalov ATGTİ-nin gördüyü işlər və gələcək layihələr barədə məlumat verərək, UNEC-lə bu istiqamətdə birgə əməkdaşlığın genişləndirilməsinin əhəmiyyətini vurğulayıb.
Rektor professor Ədalət Muradov UNEC məzunlarının uğurları ilə hər zaman qürur duyduğunu bildirərək, gənclərlə bağlı bütün təşəbbüslərə və ideyalara açıq olduğunu deyib. Həmçinin ATGTİ-nin bu istiqamətdə həyata keçirdiyi layihələrə universitet tərəfindən dəstək göstəriləcəyini vurğulayıb. UNEC-in tələbəmərkəzli universitet olması istiqamətində görülən işlərdən söz açan rektor, tələbələrin universitet idarəetməsində yer aldıqlarını, universitetdə 15 tələbə təşkilatının fəaliyyət göstərdiyini və tələbələrin təşəbbüsü ilə bu təşkilatların sayının ildən-ilə artdığını bildirib.
Rektor ATGTİ-ni UNEC-in start veridi “Elmin populyarlaşdırılması” və “Elm gözəldir: Məktəbdən elmə” layihəsinə qoşulmağa dəvət edib.
Sonda rektor Ədalət Muradova ATGTİ-nin tərkibində olan Tələbə Gənclər Təşkilatının davamlı və sistemli inkişafına verdiyi misilsiz töhfəyə görə "Yenilikçi və İnkişaf Mükafatı" təqdim edilib.
XƏBƏR LENTİ
12 Fevral 2025
ŞƏRHLƏRŞƏRH YAZ