Onlayn ictimai-siyasi qəzet
Rusiyada qazlı içkilər pasportla satıla bilər
Rusiyada yeniyetmələr arasında zərərli vərdişlərin qarşısını almaq məqsədilə şəkərli qazlı içkilərin satışına məhdudiyyət qoyulması təklif edilib.
Musavat.com xəbər verir ki, Dövlət Dumasında müzakirə olunan yeni təşəbbüsə əsasən, bu içkilər “energetiklər” kateqoriyasına daxil edilərək yalnız şəxsiyyət vəsiqəsi ilə satıla bilər.
Milli Valideyn Komitəsinin sədri İrina Volınyets bildirib ki, təklifin əsas məqsədi 18 yaşına çatmamış şəxslərin sağlamlığını qorumaqdır. Onun sözlərinə görə, qazlı içkilər yeniyetmələr üçün təhlükəli təsirə malik məhsullar sırasına salınmalıdır.
Tibbi əsaslandırma: Uşaq Qidalanması üzrə Elmi-Tədqiqat İnstitutunun rəyi də təşəbbüsü dəstəkləyib. Ekspertlərin fikrincə, qazlı içkilərin tərkibindəki yüksək şəkər miqdarı piylənmə və şəkərli diabetin yaranmasına səbəb olur. Hazırda Rusiyada bu xəstəliklərdən milyonlarla insan əziyyət çəkir.
Qanun layihəsində qeyd olunur ki, bu içkilər “boş kalori” daşıyır, susuzluğu aradan qaldırmır və artıq çəkinin toplanmasına gətirib çıxarır.
Əlavə məhdudiyyətlər: Rusiya İctimai Sağlamlıq Assosiasiyasının prezidenti Andrey Demin də təşəbbüsü dəstəkləyərək yalnız qazlı içkilərin deyil, həm də sosiska və emal olunmuş ət məhsullarının satışının məhdudlaşdırılmasını təklif edib.
Beləliklə, yaxın gələcəkdə Rusiyada “Coca-Cola” tipli içkilər və “hot-doq” sosisləri yalnız şəxsiyyət vəsiqəsi ilə satılan nəzarətli məhsullar siyahısına daxil edilə bilər.
Musavat.com
ƏLAQƏLİ XƏBƏRLƏR
XƏBƏR LENTİ
14 Oktyabr 2025
ŞƏRHLƏRŞƏRH YAZ