Onlayn ictimai-siyasi qəzet
Ümummilli Lider Heydər Əliyevin anadan olmasının 101-ci ildönümü Abşeron rayonunda qeyd edilib
Müasir Azərbaycanın memarı, xalqımızın Ümummilli Lideri Heydər Əliyevin anadan olmasının 101-ci ildönümü münasibəti ilə Abşeron rayonunda tədbir keçirilib. Xırdalan şəhərindəki Heydər Əliyev Mərkəzində təşkil edilən tədbirdə Abşeron Rayon İcra Hakimiyyətinin başçısı Abdin Fərzəliyev, YAP Abşeron Rayon Təşkilatının sədri, hüquq-mühafizə orqanlarının rəhbərləri, şəhid ailələri, müharibəsi iştirakçıları və rayon ictimaiyyəti iştirak edib. Tədbir iştirakçıları əvvəlcə Ümummilli Liderin adını daşıyan Parkda yerləşən abidəsinin önünə gül dəstələri düzüb, xatirəsini böyük ehtiramla yad ediblər.
Musavat.com xəbər verir ki, tədbir Azərbaycan Respublikasının Dövlət Himninin səsləndirilməsi ilə açıq elan edilib.
Daha sonra Ümummilli Lider Heydər Əliyevin və vətənimizin bütövlüyü uğrunda canından keçmiş şəhidlərimizin əziz xatirəsi 1 dəqiqəlik sükutla yad edilib.
Abşeron Rayon İcra Hakimiyyətinin başçısı Abdin Fərzəliyev çıxış edərək bildirib ki, müstəqil, suveren, qüdrətli və güclü Azərbaycan Ümummilli Lider Heydər Əliyevin şah əsəridir. Xalqımızın nicatı, ölkəmizin surətli inkişafı, bu günki qələbələrimiz və nailiyyətlərimizin məhz Ulu Öndərin adı ilə bağlı olduğunu vurğulayan RİH başçısı qeyd edib ki, bütün bu nailiyyətlərimizin dərin özüllərini, əsasını məhz Ümummilli Lider Heydər Əliyev qoyub, Azərbaycanımızın gələcək inkişafını təmin edib. Bildirilib ki, illər ötdükcə Ümummilli Liderin müəyyən etdiyi siyasi kursun və inkişaf strategiyasının nə qədər ətraflı düşünülmüş, uzaqgörən və xalqımız üçün səmərəli olduğunun bir daha şahidi oluruq. Məhz bu siyasi kurs sayəsində ölkəmizdə müstəqilliyimizin dayaq sütunları, milli-ideoloji əsasları möhkəmləndi, suveren dövlətçilik institutlarımız yaranaraq möhkəmləndi. Ümummilli Lider Heydər Əliyevin müəyyənləşdirdiyi siyasi kursu uğurla davam etdirən Azərbaycan Respublikasının Prezidenti cənab İlham Əliyevin rəhbərliyi ilə xalqımızın hər il daha böyük əhəmiyyətə malik uğurlar qazandığını vurğulayan RİH başçısı bildirib ki, hər bir xalqın tarixi üçün ən önəmli məsələlərdən biri də onun ərazi bütövlüyüdür. Bu baxımdan Müzəffər Ali Baş Komandan İlham Əliyevin siyasi iradəsi, qətiyyəti və uzaqgörənliyi ilə Vətən Müharibəsində qazanılan şanlı qələbəmiz Azərbaycan tarixinə qızıl hərflərlə yazılmışdır. Hazırda bu gün də dövlətimiz tərəfindən mühüm işlərin görüldüyünü, ərazilərin hüdudlarının dəqiqləşdirildiyini, bir güllə atılmadan kəndlərimizin geri qaytarıldığını vurğulayan RİH başçısı bütün bunların Azərbaycan Respublikasının Prezidenti cənab İlham Əliyevin diplomatik qələbəsi olduğunu qeyd edib.
RİH başçısı bildirib ki, bu il Azərbaycanı bir dövlət kimi məhv olmaqdan hifz edən, Ümummilli Lider Heydər Əliyevin əziz xatirəsinə ehtiramı ifadə etmək, azərbaycançılıq fəlsəfəsinin ölkəmiz üçün əhəmiyyətini vurğulamaq, milli dövlətçilik ideyalarını yeni nəsillərə aşılamaq zərurətindən yaranan Heydər Əliyev Fondunun fəaliyyətinin 20 illiyidir. Qeyd edilib ki, bu illər ərzində Heydər Əliyev Fondu Azərbaycan xalqının Ulu Öndəri, müstəqil Azərbaycan dövlətinin memarı və qurucusu Heydər Əliyevin zəngin mənəvi irsinin öyrənilməsində, təbliğində və ideyalarının yaşadılmasında, bu ideyaların həyata keçirilməsində misilsiz fəaliyyət göstərməkdədir. Azərbaycan Respublikasının Birinci Vitse Prezidenti Mehriban xanım Əliyevanın rəhbərliyi ilə xeyirxah, nəcib, maarifləndirici və inkişafa yönəlik layihələrlə xalqımızın sevgisini qazanan Fond insanlarda ümid, nicat məbədinə çevrilmişdir. Fond bu müddət ərzində təhsil, səhiyyə, mədəniyyət, idman, elm və texnologiya, ekologiya, sosial və digər geniş spektrli sahələrdə müxtəlif layihələr həyata keçirərək yeni cəmiyyət quruculuğunda fəal iştirak edir, ölkənin sosial-iqtisadi inkişafına öz töhfəsini verir. Heydər Əliyev Fondu tərəfindən həm respublikamızın dörd bir yanında, həm də ölkə xaricində həyata keçirilən sosial layihələr, inşa və əsaslı təmir olunan təhsil və ictimai-mədəni ocaqlar ictimaiyyət tərəfindən böyük rəğbətlə qarşılanmış, bu layihələrin bundan sonra da davam etdirilməsi arzulanmışdır.
Daha sonra YAP Abşeron Rayon Təşkilatının sədri Abbas Əliyev, Abşeron RİH yanında İctimai Şuranın sədri, Vətən Müharibəsi şəhidi Elçin Həsənlinin anası Xatirə İsmayılova, “Şəfəq” qəsəbəsi Mənzil İstismar Sahəsinin rəisi, Vətən Müharibəsi şəhidi İlqar Bürcəliyevin atası Vüqar Bürcəliyev çıxış edərək bildiriblər ki, yeni inkişaf yolu tutan respublikamızda Ümummilli Lider Heydər Əliyevin uzaqgörənliyi, hərtərəfli düşünülmüş siyasi strategiyası sayəsində çox böyük və əhəmiyyətli uğurlar qazanıb. Azərbaycan dövləti əbədi yaşamaq qabiliyyətini, cəmiyyət isə tarixi prosesin növbəti mərhələsində iştirak etməyə hazır olduğunu nümayiş etdirib. Qeyd edilib ki, Azərbaycan xalqı son yarıməsrlik tarixində nə nailiyyət əldə edibsə, onların müəllifi birmənalı olaraq Heydər Əliyevdir və onun dövlət fəaliyyətində bu gün də əhəmiyyətini qoruyan ideyalarıdır. Çıxışçılar vurğulayıblar ki, cənab İlham Əliyev Azərbaycan Respublikasının Prezidenti seçiləndən bu günə qədər dayanıqlı inkişafın təmin olunması, vətəndaşların rifahının yüksəldilməsi, dövlətimizin dünya dövlətləri arasında nüfuzunun artırılması, müstəqil siyasət yürüdülməsi, Azərbaycanımızın ümumi tərəqqisinin əldə olunması dövlət siyasətinin mütləq prioriteti oldu. Qeyd edilib ki, Azərbaycan Respublikasının Prezidenti cənab İlham Əliyevin rəhbərliyi altında suverenliyimiz istiqamətində görülən işlər, atılan bütün addımlar və dövlətimizin inkişafı yolunda həyata keçirilən sistematik tədbirlərin qanunauyğun nəticəsi kimi Azərbaycan dünyada qalib, azad, güclü, milli maraqlarını ən yüksək səviyyədə qoruyan və prinsipial ölkə kimi tanınıb.
Tədbirin sonunda tanınmış incəsənət nümayəndələrinin iştirakı ilə bədii hissə təqdim olunub.
ƏLAQƏLİ XƏBƏRLƏR
XƏBƏR LENTİ
30 Noyabr 2024
29 Noyabr 2024
ŞƏRHLƏRŞƏRH YAZ