Onlayn ictimai-siyasi qəzet
Türkiyə F-16-ları bölgəni BOMBARDMAN ETDİ - Mövqelər ƏLƏ KEÇİRİLDİ: Azərbaycandan SƏRT NOTA: “GƏMİMİZİ QAYTARIN!”
Türkiyə Silahlı Qüvvələri Suriyada antiterror əməliyyatlarını davam etdirir. ABŞ-nin dəstəyi ilə Ayn əl-Ərəbdə məskunlaşan və bölgədən çıxmaq istəməyən PKK/YPG terror təşkilatı davamlı olaraq Türk Silahlı Qüvvələrinin dəmir yumruğunu başları üzərində hiss edir.
Teleqraf.com xəbər verir ki, bu barədə Türkiyə mətbuatı məlumat yayıb.
Döyüş təyyarələri, PUA və artilleriya atəşi ilə indiyədək çoxlu sayda can və hərbi texnikanı itirən terrorçular hərəkət qabiliyyətindən məhrum olunurlar.
Axşam saatlarında təşkilatın təbliğat fəaliyyəti üçün də istifadə edilən Ayn əl-Ərəbdəki rabitə qülləsi Türkiyə PUA-ları tərəfindən vurulub. Bu əməliyyatla terror təşkilatı internetdən məhrum edilib. Bir çox terrorçunun zərərsizləşdirildiyi barədə məlumat da var. Təşkilat arasında əsas fikir ondan ibarətdir ki, bu həmlələr mümkün böyük əməliyyata hazırlıqdır.
Dünən Türkiyə F-16-ları Raqqanın qərbində əl-Camiyyə xəttində PKK/YPG hədəflərinə qarşı silsilə əməliyyatlar keçirib və bu zaman çoxlu sayda terrorçu zərərsizləşdirilib.
Həmçinin Türkiyə Silahlı Qüvvələrinin Tişrində və Ayn İsa ətrafında təşkilatın mövqeləri, tunelləri və zirehli texnikasına qarşı hava əməliyyatı keçirdiyi, Ayn İsa ətrafında və M-4 magistral yolu yaxınlığındakı PKK/YPG mövqelərinin ələ keçirildiyi bildirilib.
Türkiyə PUA-ları Raqqanın qərbindəki Çərniyə kəndində PKK/YPG liderlərinin toplaşdığı obyektə çırpılıb. Həmin an təşkilatın səhra komandirlərinin binada olduğu deyilib. Terror təşkilatında çoxlu itkilərin olduğu qeyd edilir.
______________
7 noyabr 2024-cü il tarixində “Caspian Marine Services B.V.” şirkətinin Azərbaycan Respublikasındakı filialı tərəfindən istismar olunan Azərbaycan Respublikasının dövlət bayrağı altında üzən “CMS Pəhləvan”, “CMS İgid” və “CMS-3” gəmiləri Süveyş kanalı istiqamətindən Birləşmiş Ərəb Əmirliklərinin Abu-Dabi şəhərinə səfəri zamanı hava şəraitinin kəskinləşməsi nəticəsində Eritreya Dövlətinin ərazi sularına məcburi giriş edib.
Bu barədə Axar.az-a XİN-in mətbuat katibi Ayxan Hacızadə bildirib.
Qeyd olunub ki, keçid zamanı Eritreya Dövlətinin liman qurumları ilə əvvəlcədən əlaqə saxlanılsa da, məlumat vermək mümkün olmadığından, dövlətin 12 millik ərazi sularına giriş olunduqdan sonra Eritreya Dövlətinin müvafiq qurumu tərəfindən girişin icazəsiz olduğu vurğulanaraq, sözügedən gəmilər saxlanılıb. Adları qeyd olunan gəmilərdə heyət üzvlərindən 18 nəfər Azərbaycan Respublikasının vətəndaşlarıdır.
Baş vermiş hadisə ilə bağlı ilkin məlumatlar 07.11.2024-cü il tarixində işçi qaydada Xarici İşlər Nazirliyinə daxil olduqdan sonra, tərəfimizdən hadisəyə dərhal reaksiya verilərək məsələ nəzarətə götürülüb.
Zəruri tədbirlərin görülməsi məqsədilə, Eritreya Dövlətinin ərazi sularına girişin beynəlxalq hüquq normaları ziddiyyət təşkil etmədiyinə dair hüquqi əsaslandırma Efiopiya Federativ Demokratik Respublikasında və Rusiya Federasiyasındakı səfirliklərimiz vasitəsilə Eritreya tərəfinə müvafiq nota vasitəsilə çatdırılıb. Eritreya XİN-də, Eritreyanın Türkiyə və Moskvadakı səfirliklərində müvafiq görüşlər keçirilib.
Məsələnin həlli, gəmilərin və heyətin sərbəst buraxılması, eləcə də zəruri konsulluq hüquqi yardımların göstərilməsi məqsədilə müvafiq iş davam etdirilir.
Bu və gündəmdəki bir çox xəbərləri bu gün saat 13.45-də aparıcı Sevinc Telmanqızı ilə “Canlı debat” verilişində müzakirə edəcəyik. Qonağımız politoloq Vaqif Hüseyndir.
XƏBƏR LENTİ
09 Yanvar 2025
ŞƏRHLƏRŞƏRH YAZ