Onlayn ictimai-siyasi qəzet
“Türkiyə bu məsələdə maraqlı deyil” - Safrastyan
“Suriyadakı son hadisələr Türkiyənin mövqeyinin güclənməsinə kömək etdi və Ankara bu ölkədə hakimiyyətin ötürülməsi prosesini yönəltmə, orada böyük bir rol oynama məsuliyyətini üzərinə götürdü”.
Musavat.com erməni mediasına istinadən xəbər verir ki, bu fikirləri yerli türkoloq Ruben Safrastyan səsləndirib.
Onun iddiasına görə, hazırda Türkiyə üçün Cənubi Qafqazda vəziyyətin gərginləşməsi və bunun nəticəsində müdaxilə etməsi maraqlı deyil.
“Bu strateji məsələni daha geniş bir perspektivdən nəzərdən keçirəndə Yaxın Şərqdə geosiyasi dəyişikliklərin vacib bir dövrünün baş verdiyini görmək olar. ABŞ-ın Yaxın Şərqdən çıxmasının məqsədi var və bu, Türkiyəyə öz addımlarını ABŞ ilə uyğunlaşdıraraq və müvafiq dəstək alaraq boşluğu doldurmaq imkanı verir. Bu da Türkiyənin Cənubi Qafqazda daha fəal bir rol oynamamağı və vəziyyəti gərginləşdirməməyə çalışacağını söyləməyə imkan verir”, - deyə Safrastyan qeyd edib.
O, Türkiyənin son illərdə prezident Rəcəb Tayyib Ərdoğanın rəhbərliyi ilə dünya səhnəsində qərar qəbul edən vacib dövlətlərdən birinə çevrilmək istədiyini bildirib.
Ruben Safrastyanın sözlərinə görə, Ərdoğan artıq dünyanı yalnız BMT Təhlükəsizlik Şurasının daimi üzvləri ilə məhdudlaşdırmır. Lakin Türkiyə, qlobal oyunçu olmağa çalışır, amma Cənubi Qafqaz artıq əvvəlki illər kimi onun üçün bu qədər əhəmiyyətli deyil.
“Türkiyə başqa, daha böyük oyunlarda iştirak edir və Suriyada uğur qazanıb, çünki bu dövrdə Rusiyanın və İranın təsir, mövqeləri zəiflədilib. Rusiyanın əsasən Ukraynaya qarşı müharibəyə fokuslanması və yeni bir qarşıdurma nöqtəsinin yaranmasında maraqlı olmaması, həmçinin Rusiya, İran və Türkiyənin Cənubi Qafqazda gərginliyin artmasından çəkinmələri bu 3 ölkənin maraqlarını uyğunlaşdırır”, - deyə Safrastyan qeyd edib.
Musavat.com
XƏBƏR LENTİ
04 Fevral 2025
ŞƏRHLƏRŞƏRH YAZ