Onlayn ictimai-siyasi qəzet
Trampın bu addımı fəlakətli səhv olacaq – Bloomberg-in sahibi detalları açıqladı
ABŞ prezidentliyinə keçmiş müstəqil namizəd Robert Kennedinin yeni administrasiyada nüfuzlu vəzifəyə mümkün təyin edilməsi yeni seçilmiş prezident Donald Trampın “fəlakətli səhvi” olardı.
Musavat.com xəbər verir ki, bunu Bloomberg-in qurucusu və sahibi Maykl Blumberq öz köşə yazısında qeyd edib.
Xatırladaq ki, Blumberg 104,7 milyard dollarlıq sərvətlə Forbes-in qlobal reytinqində 13-cü yerdədir. O həm Demokratlar, həm də Respublikaçılarla əməkdaşlıq edib.
Milyarderin sözlərinə görə, Trampın ilk prezidentlik dövründə (2016-2021) əsas nailiyyətlərindən biri koronavirus peyvəndinin hazırlanmasını sürətləndirmək üçün 18 milyard dollar xərclədiyi “Warp Speed” proqramı olub.
Kiçik Kennedy isə əksinə, bütün növ, o cümlədən koronavirus əleyhinə peyvəndlərin qatı əleyhidarıdır . ABŞ-ın 35-ci prezidenti Con Kennedinin qardaşı oğlu Amerikanın COVID peyvəndini “indiyə qədər yaradılmış ən ölümcül peyvənd” adlandırıb. Bildirib ki, dünyada "təhlükəsiz və təsirli bir peyvənd" yoxdur.
Beləliklə, agentliyin sahibi vurğulayır ki, Kennedi hər hansı bir əhəmiyyətli vəzifədə, xüsusən də ictimai sağlamlıqda çətin qazanılmış qazancları təhlükə altına qoyacağı proqnozlaşdırılan səhiyyə naziri kimi, Amerikanın həyatını lüzumsuz şəkildə təhlükə altına alacaq və Trampın uğurlarını məhv edəcək.
Musavat.com
XƏBƏR LENTİ
27 Noyabr 2024
ŞƏRHLƏRŞƏRH YAZ