Onlayn ictimai-siyasi qəzet
Tramp sabah İstanbula gələ bilər – yenə fikir dəyişdirdi
ABŞ prezidenti Donald Tramp sabah – 16 may tarixində İstanbula mümkün səfəri ilə bağlı açıqlama verib.
Musavat.com xəbər verir ki, Tramp bu gün jurnalistlərə verdiyi qısa bəyanatında “Gələ bilərəm” ifadəsini işlədib.
Bu, onun son günlər ərzində bu məsələ ilə bağlı bir neçə dəfə fikir dəyişdirməsindən sonra səsləndirdiyi ən konkret mövqedir.
Trampın bu səfəri İstanbulda Rusiya və Ukrayna nümayəndələrinin iştirakı ilə keçirilən danışıqlarla bağlı ola bilər.
Qeyd edək ki, Ukrayna prezidenti Volodimir Zelenski artıq İstanbuldadır və 16 may tarixində Türkiyə lideri Rəcəb Tayyib Ərdoğanla görüşü rəsmi olaraq təyin edilib. Bu görüşün Ankarada keçirilməsi planlaşdırılır.
Trampın səfəri hələ rəsmi olaraq təsdiqlənməsə də, Türkiyənin “Haber Global” televiziya kanalı və digər nüfuzlu media orqanları Ağ Ev mənbələrinə istinadən ABŞ prezidentinin sabah İstanbulda ola biləcəyini yazıb.
ABŞ rəhbərinin bu diplomatik prosesə mümkün şəkildə birbaşa qatılması Rusiya-Ukrayna münaqişəsi ətrafında aparılan danışıqlara yeni dinamika gətirə bilər. Həmçinin, bu səfər Trampın ikinci prezidentlik dönəmində ilk dəfədir ki, Rusiya-Ukrayna məsələsində yerində və birbaşa iştirak cəhdi kimi qiymətləndirilir.
Hazırda dünya ictimaiyyətinin gözü İstanbulda baş verəcək mümkün üçtərəfli təmaslara və ABŞ prezidentinin son qərarına yönəlib.
Musavat.com
XƏBƏR LENTİ
15 May 2025
ŞƏRHLƏRŞƏRH YAZ