Onlayn ictimai-siyasi qəzet
Tramp dövründə ilk: ABŞ Rusiyaya qarşı sanksiyaları genişləndirdi
ABŞ Rusiyadan olan dörd fiziki şəxs, üç şirkət və bir yük daşıyıcısını sanksiyalar siyahısına əlavə edib.
Musavat.com ABŞ Maliyyə Nazirliyinin Xarici Aktivlərə Nəzarət İdarəsinin (OFAC) saytında yerləşdirilən məlumata istinadən xəbər verir ki, bu addım terrorizmə qarşı mübarizə çərçivəsində atıldığı qeyd olunur. Lakin sanksiya siyahısına salınan quru yük gəmisi Ukraynanın işğal olunan ərazilərində yetişdirilən buğdanı daşıdığına görə sanksiyaya məruz qalıb.
Nazirliyin qərarı ilə Rusiya vətəndaşları Yuri Belyakov, Vyaçeslav Vidanov, Rusiya və Əfqanıstan vətəndaşı Söhrab Qayrat, Əfqanıstan vətəndaşı Uşanq Qayrat, Rusiya mənşəli Edison MMC, "Kolibri Group" MMC, "Sky Frame" ASC və AM Theseus quru yük gəmisi sanksiya siyahısına salınıb.
ABŞ Maliyyə Nazirliyinin mətbuat xidməti tərəfindən yayılan bəyanatda qeyd edilir ki, sanksiyalar Yəmən husilərinin “Ənsar Allah” üsyançı hərəkatına maliyyə və maddi yardım göstərənlərə qarşı tətbiq edilib. ABŞ Maliyyə Nazirliyinin məlumatına görə, söhbət Rusiyadan “on milyonlarla dollar dəyərində” “silah və həssas mallar”, eləcə də Ukrayna taxılının tədarükündən gedir. Öz növbəsində Dövlət Departamentinin sözçüsü Tammy Bruce bildirib ki, bu çatdırılmalarla əlaqədar "Husilər tərəfindən istifadə edilən səkkiz elektron pul kisəsi" müəyyən edilib.
ABŞ-ın maliyyə naziri Skott Bessentin sözlərinə görə, Vaşinqton “sabitliyi pozan hərəkətlərlə husilərin regionda təhlükə yaratmaq imkanlarını azaltmaq” niyyətindədir.
Musavat.com
XƏBƏR LENTİ
03 Aprel 2025
ŞƏRHLƏRŞƏRH YAZ