Onlayn ictimai-siyasi qəzet
"The Wall Street Journal": Rusiya NATO sərhədində yeni ordu yaradır
Rusiya NATO ilə sərhəddə yeni ordu formalaşdırmağa başlayıb.
Musavat.com xəbər verir ki, "The Wall Street Journal"ın məlumatına görə, Rusiyanın Petrozavodsk şəhərində — Finlandiya sərhədindən cəmi 160 kilometr məsafədə — yeni ordu komandanlığının qurulması üçün hərbi bazalar genişləndirilir.
Bildirilir ki, bu komandanlıq yaxın bir neçə il ərzində on minlərlə hərbçiyə rəhbərlik edəcək.
Qərb kəşfiyyat mənbələri bu qüvvələrin NATO ilə müharibəyə hazırlıq məqsədi daşıdığını hesab edir.
Məlumata görə, Rusiya bölgədə yeni anbarlar və hərbçilər üçün yaşayış kompleksləri tikir, həmçinin Estoniya, Finlandiya və Norveç sərhədləri boyunca yeni dəmir yolu infrastrukturunun çəkilişinə və mövcud xətlərin genişləndirilməsinə başlayıb.
Musavat.com
XƏBƏR LENTİ
28 Aprel 2025
ŞƏRHLƏRŞƏRH YAZ