Onlayn ictimai-siyasi qəzet
TƏCİLİ: Tramp rüsumları elan etməyə başladı - SİYAHI
ABŞ prezidenti Donald Trampın Ağ Evdə bütün ölkələrdən idxal olunan mallara qarşı rüsumların tətbiqinə dair çıxışı başlayıb.
Musavat.com xarici agentliklərə istinadən xəbər verir ki, Tramp Vaşinqtonun bütün ölkələrə qarşılıqlı gömrük rüsumları tətbiq etməyə başladığı 3 aprel tarixini ABŞ-ın iqtisadi müstəqillik günü kimi qiymətləndirib.
Onun dediyinə görə, ABŞ aprelin 3-dən bütün idxal avtomobillərinə 25 faiz gömrük rüsumları tətbiq edir. Rüsumlar heç bir ölkəyə istisna, güzəşt olmadan tətbiq olunur.
Tramp Ağ Evin Gül bağında çıxışı zamanı deyib: "Bizim avtomobil şirkətlərimizin heç birinə digər ölkələrdə, dost və düşmən fərq etmir, fəaliyyət göstərməyə icazə verilmir və bir çox hallarda dost ticarət baxımından düşməndən daha pisdir. Bu cür dəhşətli təhriflər bizim sənaye bazamızı sarsıtdı və milli təhlükəsizliyimizi təhlükə altına qoydu. Mən bu fəlakətdə başqa ölkələri günahlandırmıram. Mən keçmiş prezidentləri və ABŞ-ın əvvəlki rəhbərlərini günahlandırıram ki, onlar bunu etməyə icazə verdilər. Buna görə də, gecə yarısından biz bütün xarici istehsal olan avtomobillərə 25 faizlik tarif tətbiq edirik”.
P.S.Mövzu davam etdiriləcək.
Musavat.com
XƏBƏR LENTİ
03 Aprel 2025
ŞƏRHLƏRŞƏRH YAZ