Onlayn ictimai-siyasi qəzet
TƏCİLİ! Müharibənin gedişatı dəyişir - Donbasın açarı RUSİYANIN ƏLİNDƏ
Rusiyanın muzdlu Vaqner qruplaşmasının başçısı Yevgeni Priqojin Ukraynanın şərqindəki, Avropanın ən böyük duz mədəninin yerləşdiyi Soledar şəhərinə nəzarəti ələ keçirdiklərini açıqlayıb.
Musavat.com xəbər verir ki, Priqojin şəhər mərkəzi uğrunda döyüşlərin davam etdiyini bildirib.
Rusiya şəhərin mərkəzində qalan ukraynalı əsgərlərə təslim olmaq üçün gecəyə qədər vaxt verib.
Rusiya Soledarı strateji Baxmut şəhəri və Donbas bölgəsinin açarı kimi görür. Bu səbəbdən günlərdir bölgədə qanlı qarşıdurmalar yaşanır.
Rusiyanın şəhəri ələ keçirdiyinə dair iddialara baxmayaraq, Ukrayna prezidenti Volodimir Zelenski və Ukrayna hərbi komandanlığı Soledarın itkisini təsdiqləməyib.
Həmin bəyanat Ukrayna Müdafiə Nazirliyindən gəlib. Nazirlik dünən axşam rəsmi Tvitter hesabında açıqlama verib:
“Böyük itkilər verdikdən sonra belə, Rusiya hələ də manyakcasına Avropanın ən böyük duz mədəninin yerləşdiyi Soledarı ələ keçirməyə çalışır”.
Musavat.com
XƏBƏR LENTİ
11 Oktyabr 2024
ŞƏRHLƏRŞƏRH YAZ