Onlayn ictimai-siyasi qəzet
Şuşa və Laçına getmək istəyənlərə ŞAD XƏBƏR - EKSKLÜZİV VİDEOLAR
“Yeni Müsavat” Media Qrupunun əməkdaşı Fəxriyyə Abdullayeva Azərbaycan vətəndaşları ilə bərabər hazırda Şuşa və Laçın bölgəsində iki günlük turistik gəzintidədir.
Musavat.com xəbər verir ki, artıq həmin bölgələrə turist kimi səfərlərə qoşulub sərbəst gəzmək, gecələmək mümkündür.
Fəxriyyə Abdullayeva Musavat.com-a bildirib ki, onlar Şuşada olduqdan sonra Laçının tarixi, görməli yerlərini gəzəcək, gecəni Şuaşada keçirib sabah Bakıya qayıdacaqlar.
Laçın rayonuna təşkil olunan turlara Ballıca şəlaləsinə ekskursiya da daxildir. Şəlalə öz mənbəyini Laçın dağlarından, meşələrindən götürür və Ağoğlan çayına tökülür. Şəlalənin yerləşdiyi Bozlu kəndindən demək olar ki, əsər-əlamət qalmayıb. Lakin təbiət gözəllikləri özünü xüsusi vurğulayır.
Musavat.com Fəxriyyə Abdullayevanın çəkdiyi eksklüziv videoları təqdim edir.
Həkəri çayının sahilində isə kafe-restoran, istirahət mərkəzi fəaliyyət göstərir. Xidmət haqqı turun qiymətinə daxildir. Turistlər burada səhər və günorta yeməklərini yeyərək turlarına davam edirlər.
Musavat.com
XƏBƏR LENTİ
25 Dekabr 2024
ŞƏRHLƏRŞƏRH YAZ