Onlayn ictimai-siyasi qəzet
SON DƏQİQƏ! Hipermarketdə silahlı ATIŞMA - Ölən və yaralananlar var - VİDEO
Xətai rayonu ərazisində yerləşən supermarketlərdən birində baş vermiş silahlı insident nəticəsində bir nəfər ölüb və iki nəfər yaralanıb.
TƏBİB-dən Musavat.com-a bildirilib ki, baş verən hadisə ilə əlaqədar Bakı Şəhəri Təcili və Təxirəsalınmaz Tibbi Yardım Stansiyasına 12:21 radələrində çağırış daxil olub.
Hadisə nəticəsində xəsarət alan 2 nəfər TƏBİB-in tabeliyindəki Sabunçu Tibb Mərkəzinə təxliyə edilib.
Bildirilib ki, hazırda onlara zəruri tibbi xidmət göstərilir.
Qeyd edək ki, bir nəfər hadisə yerində dünyasını dəyişib.
***
Xətai rayonu ərazisində yerləşən supermarketlərdən birində atışma olub.
Musavat.com xəbər verir ki, 2 nəfər odlu silahdan açılan atəş nəticəsində yaralanıb. Bir nəfər isə ölüb.
Ölən şəxsin bank inkassatoru olduğu bildirilir.
Hazırda hadisə yerinə hüquq-mühafizə orqanın əməkdaşları cəlb edilib.
Daxili İşlər Nazirliyindən bildirilib ki, Xətai rayonunda baş verən hadisə ilə bağlı əməliyyat qrupu hadisə yerinə cəlb edilib: “Araşdırma aparılır. Əməli törətməkdə şübhəli bilinən şəxsin, yaxud şəxslərin tutulması istiqamətində tədbirlər görülür. Əlavə məlumat veriləcəkdir”.
Hadisə yerindən görüntüləri təqdim edirik:
Alim Liftiyev,
TV Musavat
Musavat.com
XƏBƏR LENTİ
30 Sentyabr 2024
29 Sentyabr 2024
ŞƏRHLƏRŞƏRH YAZ