Onlayn ictimai-siyasi qəzet
SON DƏQİQƏ: Abxaziyada siyasi böhran - "Prezident" İSTEFA VERDİ - FOTO, VİDEO
Abxaziyanın "prezidenti" Aslan Bjaniya və "baş naziri" Aleksandr Ankvab müxalifətlə uzun saatlar davam edən danışıqlardan sonra istefa veriblər. Səkkiz saatdan çox davam edən müzakirələrin nəticəsində hakimiyyət və müxalifət nümayəndələri arasında razılaşma əldə olunub.
Musavat.com xəbər verir ki, bu barədə "Sputnik Abxaziya" məlumat yayıb.
Razılaşmaya əsasən, "prezident" səlahiyyətlərini vitse-prezident Badra Qunba icra edəcək. "Baş nazir" vəzifəsinə isə keçmiş baş nazir Valeri Bqanba təyin olunacaq.
Lakin bu qərarlar yalnız bir şərtlə həyata keçiriləcək: etirazçılar bu gün hökumət binaları kompleksini tamamilə tərk etməlidirlər. Əks halda, istefa ərizələri geri götürüləcək.
Kütləvi informasiya vasitələrinin məlumatına görə, etirazçılar artıq kompleksdən uzaqlaşmağa başlayıblar. Yeni prezidentin seçilməsi üçün yaxın vaxtlarda növbədənkənar seçkilər keçiriləcək.
Musavat.com
XƏBƏR LENTİ
24 Noyabr 2024
23 Noyabr 2024
ŞƏRHLƏRŞƏRH YAZ