Onlayn ictimai-siyasi qəzet
Sentyabra qədər İran adlı dövlət olmayacaq – İsrail də təsdiqlədi
İran ABŞ-ın tələblərini yerinə yetirərək nüvə silahı yaratmaq planlarından əl çəkməsə, sentyabr ayına qədər mövcudluğunu dayandıracaq.
Musavat.com xəbər verir ki, məlumatı Britaniyanın Daily Express qəzetinə ABŞ prezidenti Donald Trampın administrasiyasına yaxın mənbə bildirib: "Niyyətlərin aydın şəkildə başa düşülməsi var. İranın vaxtı azalır. Əgər onlar İranın nüvə imkanlarının tam yoxlanılması və onların tam sökülməsi barədə prezident Trampın səxavətli təklifinə cavab verməsələr, sentyabra qədər İran artıq mövcud olmayacaq. Bu, bu qədər sadədir".
İsrail hökumətindəki mənbə nəşrə təsdiqləyib ki, Tehran nüvə sazişi üzrə danışıqları bərpa etməsə, İsrail və ABŞ onun nüvə obyektlərinə zərbələr endirəcəklər.
"Dəiqi olan odur ki, İran öz mövqeyini kəskin şəkildə dəyişməkdən imtina edərsə, zərbə endiriləcək. Cavab verilməli olan yeganə sual belə bir zərbənin nə vaxt baş verəcəyidir", - mənbə The Daily Express-ə bildirib.
Martın 30-da Tramp deyib ki, İranın nüvə proqramı ilə bağlı danışıqlarda irəliləyiş olmazsa, iki həftə ərzində İrana ikinci dərəcəli tariflər tətbiq edəcək. O, hədələyib ki, əgər razılaşma tamamilə rədd edilsə, ölkə görünməmiş bombardmanlarla üzləşəcək. İranın ali dini lideri Əli Xamneyi Trampın təhdidlərinə cavab verərək qeyd edib ki, o, ABŞ-ın hərbi müdaxiləsi ehtimalına inanmır, lakin Vaşinqton respublikada üsyan qaldırmağa cəhd etsə, sərt cavab alacaq.
Musavat.com
XƏBƏR LENTİ
03 Aprel 2025
ŞƏRHLƏRŞƏRH YAZ