Onlayn ictimai-siyasi qəzet
Səlim Müslümov vurduğu ziyanı ödəməsi ilə bağlı hakimə sənəd təqdim edəcək – MƏHKƏMƏ
Bakı Ağır Cinayətlər Məhkəməsində külli miqdarda rüşvət və mənimsəmədə təqsirləndirilən sabiq əmək və sosial müdafiə naziri Səlim Müslümovun cinayət işi üzrə məhkəmə prosesi keçirilib.
Musavat.com-un məlumatına görə, prosesdə hakim bildirib ki, Səlim Müslümov zərərçəkmişlərə dəymiş ziyanı ödəməsi ilə bağlı məhkəməyə sənəd təqdim etməyib.
Təqsirləndirilən şəxsin vəkilləri bunun üçün məhkəmədən vaxt istəyib.
Proses yanvarın 17-də davam etdiriləcək.
Qeyd edək ki, Səlim Müslümov 2021-ci ildə Dövlət Təhlükəsizliyi Xidməti (DTX) tərəfindən həbs olunub. Sabiq nazir Cinayət Məcəlləsinin 179.4 ( xüsusilə külli miqdarda ziyan vurmaqla mənimsəmə və israf etmə), 308.2 (ağır nəticələrə səbəb olan vəzifə səlahiyyətlərindən sui-istifadə), 311.3.2-ci və 311.3.3-cü (təkrar külli miqdarda rüşvət alma) maddələri ilə ittiham olunur. O, 13 ay həbsdə qaldıqdan sonra səhhətində yaranan problemlə bağlı ev dustaqlığına buraxılıb.
Samir Əli
Musavat.com
XƏBƏR LENTİ
24 Noyabr 2024
ŞƏRHLƏRŞƏRH YAZ