Onlayn ictimai-siyasi qəzet
Sankt-Peterburqda Wildberries anbarında ŞİDDƏTLİ YANĞIN
Güclü yanğın Sankt-Peterburqdakı Wildberries bazarının anbar kompleksini məhv edib.
Musavat.com TASS-a istinadən xəbər verir ki, yanğın 50 min kvadratmetr ərazini əhatə edir.
Bu barədə Rusiya Fövqəladə Hallar Nazirliyinin şəhər üzrə mətbuat xidməti məlumat yayıb.
“Hündürlüyü 20 metr olan anbar kompleksində 50 000 kvadratmetr sahədə yanğın başlayıb. Yanğına 5 saylı mürəkkəblik dərəcəsi verilib. Hələlik ölən və yaralananlar barədə məlumat yoxdur”, - deyə məlumatda bildirilir.
Yanğının söndürülməsinə 270 nəfərə yaxın canlı qüvvə və 57 texnika cəlb olunub. Prokurorluq hadisə ilə bağlı araşdırmalara başlayıb.
Wildberries onlayn pərakəndə satış mağazasının mətbuat xidməti anbarın şirkətə məxsus olduğunu təsdiqləyib. Onlar həmçinin əlavə ediblər ki, satıcılara malın dəyərinə görə kompensasiya ödəniləcək.
Musavat.com
XƏBƏR LENTİ
30 Sentyabr 2024
ŞƏRHLƏRŞƏRH YAZ