Onlayn ictimai-siyasi qəzet
Birləşmiş Ştatlar Krıma zərbə endirmək üçün Ukrayna Silahlı Qüvvələrinin Amerika silahlarından istifadə etməsinə etiraz etmir.
Musavat.com xarici agentliklərə istinadən xəbər verir ki, bu barədə ABŞ prezidentinin milli təhlükəsizlik üzrə müşaviri Ceyk Sallivan CNN telekanalında müshaibəsində danışıb.
Amerikalı rəsminin sözlərinə görə, Krım Ukraynanın tərkib hissəsi kimi “beynəlxalq səviyyədə tanınır”. “Biz Ukraynanın beynəlxalq səviyyədə tanınmış sərhədləri daxilindəki ərazilərə zərbə endirməsi üçün heç bir məhdudiyyət qoymamışıq. Krım isə, bizim fikrimizcə, Ukraynadır”,-deyə o, qeyd edib.
Ceyk Sallivanın bildirdiyinə görə, Vaşinqton Ukrynanın Qərb silahlardan istifadə edərək Rusiyanın dərinliklərinə zərbələr endirməsini dəstəkləmir.
Musavat.com
07 Oktyabr 2024
06 Oktyabr 2024
ŞƏRHLƏRŞƏRH YAZ