Onlayn ictimai-siyasi qəzet
Rusiyada qeyri-qanuni tütün məmulatlarının istehlakı artır
15 il əvvəl Rusiyada o vaxtkı maliyyə naziri Aleksey Kudrinin açıqladığı yüksək tütün aksizləri siyasəti bu gün öz nəticəsini verməkdədir.
Musavat.com yerli mediaya istinadla xxəbər verir ki, Rusiya Federasiyasında qeyri-qanuni tütünün payı 0-dan 13%-ə qədər artıb. Tütün aksiz vergilərinin ödənilməməsindən xəzinə itkiləri 0-dan 100-150 milyard rubla qədər artıb. Ölkədə siqaret çəkənlərin təxminən 20%-i baha başa gəldiyi üçün tütündən imtina etdiyini bildirib.
"İnsanların hiss etməsini istəyirik: araq içənlər, siqaret çəkənlər dövlətə daha çox töhfə verəcəklər”- maliyyə naziri Aleksey Kudrin 2010-cu ildə Rusiyanın yeni aksiz siyasətini belə izah etmişdi.
O zamanlar yüksək tütün aksiz vergiləri siyasətinə başlayanda Rusiya rəsmiləri daha ucuz siqaretlərin Rusiya bazarına axınını azaltmaq üçün qonşu ölkələrin hakimiyyət orqanları ilə tütün aksizlərinin sinxron artırılması ilə bağlı razılığa gəlməyə söz veriblər.
Rəsmilər qonşularla sinxron artımla bağlı razılığa gələ bilməyiblər. Beləliklə, yalnız Rusiyada tütün aksiz vergiləri artırılıb, bununla da “qara bazar” şişib və müvafiq büdcə itkilərini artırıb. Nəticədə qeyri-qanuni tütün Rusiyanı basıb.
2021-ci ildən 2023-cü ilə qədər qeyri-qanuni tütün məmulatlarının payı 13%-dən çox artıb. Maliyyə naziri Anton Siluanovun sözlərin ə görə, buna uyğun olaraq büdcədə itirilmiş vəsaitlərin həcmi də artıb. “Bu, təxminən 150 milyard rubl təşkil edə bilər. Bunlar bizə lazım olan resurs təminatının əhəmiyyətli həcmləridir. Eyni zamanda tütün bazarı alkoqol bazarından daha böyükdür. Ona görə də tütün məmulatlarından büdcəyə daxilolmalar daha çoxdur”, deyə nazir bildirib.
Musavat.com
XƏBƏR LENTİ
08 Iyul 2025
07 Iyul 2025
ŞƏRHLƏRŞƏRH YAZ