Onlayn ictimai-siyasi qəzet
Rusiya səfiri: Ermənistanın Şanxay Əməkdaşlıq Təşkilatının işinə qoşulmasından danışdı
Biz digər ölkələrin, xüsusən də Ermənistanın Şanxay Əməkdaşlıq Təşkilatının (ŞƏT) işinə cəlb olunmasını vacib hesab edirik.
Musavat.com erməni mediasına istinadən xəbər verir ki, bu barədə Rusiyanın Ermənistandakı fövqəladə və səlahiyyətli səfiri Sergey Kopırkin aprelin 3-də jurnalistlərlə söhbətində danışıb.
Onun sözlərinə görə, ŞƏT təhlükəsizlik sahəsində çox mühüm rol oynayır; onun çərçivəsində terrorla mübarizə təşkilatı var. "Hazırda biz bu Təşkilat əsasında təhlükəsizlik çağırışlarına cavab verən hərtərəfli mərkəzin formalaşdırılması üzərində işləyirik" dedi.
Kopırkin ŞƏT-in regional təşkilatlarla, xüsusən də KTMT ilə qarşılıqlı əlaqədə olmasını faydalı adlandırıb. "Bizim mövqeyimiz təşkilatın (KTMT-nin) öz işində rəhbər tutduğu prinsipləri, çoxqütblü dünya prinsiplərini nəzərə alaraq, ŞƏT ilə qarşılıqlı fəaliyyətin təbii olmasına əsaslanır. Biz bunun hamıya fayda verəcəyini başa düşərək, bunun asanlaşdırılması üçün əlimizdən gələni edəcəyik", - deyə Rusiyanın Ermənistandakı səfiri bildirib.
Musavat.com
XƏBƏR LENTİ
04 Aprel 2025
ŞƏRHLƏRŞƏRH YAZ