Onlayn ictimai-siyasi qəzet
Rusiya avtomobillərinin Aİ ölkələrinə girişinə qadağa qoyulub
Avropa İttifaqı Rusiya Federasiyasında qeydiyyatdan keçmiş şəxsi avtomobillərin girişi ilə bağlı sanksiya qanunvericiliyinin müxtəlif şərhləri ilə bağlı açıqlamalar dərc edib.
Musavat.com xarici mediaya istinadla xəbər verir ki, qadağa noutbuk, telefon və çamadanlara da şamil oluna bilər.
Sentyabrın 8-də bununla bağlı verilən sualları cavablandıran departament sanksiya siyahılarına daxil edilmiş malların idxalı, alınması və daşınması ilə bağlı Aİ Şurasının qərarlarına dair açıqlamalar dərc edib. Sənəddən belə çıxır ki, istənilən avtomobil, o cümlədən şəxsi məqsədlər üçün istifadə olunan avtomobillər qadağaya məruz qalır.
Digər əmtəələr arasında Rusiyaya qarşı sanksiya qaydalarına əlavəyə kosmetika, çamadanlar, çantalar, kürək çantaları, pul kisələri, bir sıra geyim əşyaları, noutbuklar, kameralar, mobil telefonlar, dəri və xəz məhsulları, yarı qiymətli və qiymətli daşlar da daxildir.
Rusiya Federasiyası vətəndaşlarının müvəqqəti olaraq, məsələn, turizm məqsədləri üçün Aİ-yə şəxsi əşyaları və reqlamentə əlavədə göstərilən nəqliyyat vasitələrini gətirə biləcəyi ilə bağlı suala Avropa Komissiyası mənfi cavab verib.
Avropa Komissiyası xatırladıb ki, sanksiyaların məqsədi Rusiya iqtisadiyyatını əhəmiyyətli dərəcədə zəiflətmək və Rusiya Federasiyasını öz məhsulları üçün ən mühüm bazarlardan məhrum etmək və onun müharibə aparmaq imkanlarını əhəmiyyətli dərəcədə məhdudlaşdırmaqdır. Departament hesab edir ki, sanksiyalar haqqında qanunvericiliyin hər hansı başqa təfsiri bu qadağaların mənasını itirəcək və onlardan yan keçmək üçün əhəmiyyətli imkanlar yaradacaq.
Musavat.com
XƏBƏR LENTİ
04 Oktyabr 2024
ŞƏRHLƏRŞƏRH YAZ