Onlayn ictimai-siyasi qəzet
Roza Zərgərli səhnədə stulda oturaraq oxudu-SƏBƏB
Müğənni Roza Zərgərli yenidən səhhəti ilə bağlı yayılan xəbərlərlə gündəmə gəlib.
Musavat.com bildirir ki, sənətçi Qırğızıstanın paytaxtı Bişkekdə böyük konsert proqramı ilə çıxış edib.
Konsertdə o, bir mahnını oturaraq ifa edib və tamaşaçılarla bu formada ünsiyyətdə olub.
Sənətçinin bu fotoları sosial şəbəkələrdə yayılıb və iddia olunub ki, müğənni səhhətindəki problemə görə mahnını bu cür ifa edib.
Musavat.com-un əldə etdiyi məlumata görə Roza Zərgərli mahnını sadəcə olaraq xüsusi konsept, ssenari əsasında bu cür ifa edib.
Konsert zamanı Roza Zərgərli əksər mahnılarını ayaqüstə ifa edib.
Xatırladaq ki, müğənni ötən il koksartrozun dördüncü mərhələsi, yəni bud-çanaq oynağının ciddi zədələnməsi diaqnozu aldığını və bu səbəbdən yeriməkdə çətinlik çəkdiyini açıqlamışdı.
Lakin sonradan müğənni artıq tam sağalması ilə bağlı açıqlama verib.
Xalidə Gəray
Musavat.com
XƏBƏR LENTİ
16 Sentyabr 2025
ŞƏRHLƏRŞƏRH YAZ