Onlayn ictimai-siyasi qəzet
Xalq artisti Rasim Balayev Qeyri-Hökumət Təşkilatlarına Dövlət Dəstəyi Agentliyi QHT-lər arasında keçirdiyi qrant müsabiqəsində ona ayrılan 28 500 manat vəsaitin hansı məqsədlər üçün istifadə olunacağına aydınlıq gətirib.
Xalq artisti Qaynarinfo-ya açıqlamasında bildirib ki, sözügedən vəsaitlə "Qərbi Azərbaycan: Maddi və mənəvi irsimiz" adlı sənədli film çəkiləcək:
"Yəqin ki, yaxın günlərdə filmlə bağlı hazırlıqlara başlanılacaq. Film "Azərbaycan Kinematoqrafçılar İttifaqı" İctimai Birliyinin təqdim etdiyi layihə əsasında ekranlaşacaq".
Qeyd edək ki, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi QHT-lər arasında keçirdiyi qrant müsabiqəsinin nəticələrinə əsasən "Azərbaycan Kinematoqrafçılar İttifaqı” ictimai birliyinin təqdim etdiyi "Qərbi Azərbaycan: Maddi və mənəvi irsimiz" adlı layihə qalib olub. QHT Agentliyi Xalq artisti Rasim Balayevin rəhbəri olduğu layihənin icrasına 28 500 manat vəsait ayırıb.
06 Oktyabr 2024
ŞƏRHLƏRŞƏRH YAZ