Onlayn ictimai-siyasi qəzet
Qırğızıstanda təmtəraqlı məzarüstü abidələr yasaqlandı
Qırğızıstan prezidenti Sadır Japarov fəfn və dəfn işi haqqında qanununun tətbiqi ilə bağlı tədbirlər ə dair fərman imzalayıb.
Musavat.com yerli “Kabar” agentliyinə istinadla xəbər verir ki, sənəd məzarüstü abidələrin tikintisi zamanı israfçılığın qarşısını almaq məqsədi daşıyır.
Bildirilir ki, Qırğızıstanda mərhumun dəfn mərasimi zamanı başqa insanların sosial vəziyyətinə hörmətsizlik, hədsiz israfçılıq, dini adət və ənənələrə məhəl qoymamaq kimi mənfi təzahürlərə və pisliklərə rast gəlinir. Mərhumun yaxınları məqbərələr, daşdan, qranitdən tikililər ucaldırlar, nəhəng ölçülü mərmərdən mərhuma heykəl qoyurlar, qəbirlər dəbdəbəli metal hasarlarla əhatə olunur.
Ona görə də ölkə parlamenti bir müddət əvvəl dəfn adət və ənənələrini sadələşdirmək haqqında qanun layihəsi qəbul edib.
Prezident S.Japarovun imzaladığı müvafiq fərmanda Qırğızıstan Müsəlmanları Ruhani İdarəsinə ölülərin dəfn edilməsi ilə bağlı adət və ənənələrin qaydaya salınması, qəbir abidələrinin tikilməsində israfçılığın qarşısının alınması üçün müvafiq fətvaların verilməsi tövsiyə olunur.
Müsəlman qəbiristanlıqlarının ərazilərində daşdan, qranitdən, mərmərdən, metaldan və bu materialların birləşməsindən abidələrin, heykəllərin, abidələrin və qəbir daşlarının qoyulması, dəmir çəpərlərin çəkilməsi qadağan ediləcək.
Qırğızıstan Respublikasının “Dəfn və dəfn işi haqqında” qanununda qəbir abidələrinin və hasarların taxta materiallardan hazırlanması və hündürlüyünün 0,70 metrdən çox edilməməsi təklif olunur.
Musavat.com
XƏBƏR LENTİ
16 Oktyabr 2024
ŞƏRHLƏRŞƏRH YAZ