Onlayn ictimai-siyasi qəzet
Qazaxıstan bu il Azərbaycan üzərindən neft nəqlini artıracaq - RƏSMİ
Qazaxıstan 2024-cü ildə Bakı-Tiflis-Ceyhan neft kəməri ilə 1,5 milyon ton neft ixrac etməyi planlaşdırır.
Musavat.com xəbər verir ki, bu barədə TASS-a Qazaxıstanın Energetika Nazirliyinin mətbuat xidmətindən məlumat verilib: "2024-cü il üçün plan 1,5 milyon tondur".
Nazirliyin təqdim etdiyi məlumatlara görə, 2024-cü ildə Qazaxıstanda neft və qaz kondensatının hasilatı 90,3 milyon ton səviyyəsində planlaşdırılır. İxrac həcminin 70,8 milyon tona, o cümlədən Rusiya üzərindən - Xəzər Boru Kəməri Konsorsiumu sistemi vasitəsilə 56,7 milyon tona çatacağı gözlənilir.
Yanvarın 12-də Qazaxıstanın magistral neft kəmərinin milli operatoru “Kaztransoil” 2023-cü ildə Bakı-Tiflis-Ceyhan marşrutu üzrə neft ixracını 5,5 dəfə artıraraq 1,392 milyon tona çatdırdığını açıqlayıb.
2022-ci ildə Qazaxıstan Prezidenti Qasım-Jomart Tokayev Transxəzər Beynəlxalq Nəqliyyat Dəhlizi ilə neft nəqlinin həcminin artırılması barədə göstəriş verib. Bu tapşırığa uyğun olaraq, Qazaxıstan milli şirkəti “Kazmunaygas” və Azərbaycanın dövlət neft şirkəti SOCAR arasında Tengiz yatağından Bakı-Tiflis-Ceyhan kəməri ilə ildə 1,5 milyon ton neftin nəqlini nəzərdə tutan müqavilə bağlanıb.
Musavat.com
XƏBƏR LENTİ
24 Noyabr 2024
23 Noyabr 2024
ŞƏRHLƏRŞƏRH YAZ