Onlayn ictimai-siyasi qəzet
Qazaxıstan bankı ölkədəki VTB bankla əməliyyatları dayandırdı
Qazaxıstanın "Home Credit" Bankı ikinci dərəcəli sanksiyalar təhlükəsi səbəbindən Rusiyanın VTB bankının Qazaxıstandakı törəmə bankı olan VTB ilə əməkdaşlığı dayandırıb.
Musavat.com xəbər verir ki, bu barədə TASS-ın müxbirinə “Home Credit Bank”ın zəng mərkəzindən məlumat açıqlanıb.
Məlumata əsasən VTB Qazaxıstandan "Home Credit" Banka müştəri hesabları üzrə təngə və xarici valyuta ilə hər hansı köçürmə əməliyyatları dayandırılıb. Çağrı mərkəzi müştəriləri bu vəziyyətlə bağlı hər hansı sualları olduqda xüsusi nömrə ilə əlaqə saxlamağa çağırıb. VTB-nin mətbuat xidmətindən agentliyə bildiriblər ki, onlar vəziyyəti şərh etmirlər.
Qeyd edək ki, ABŞ Maliyyə Nazirliyi avqust ayında ərazisində Rusiya banklarının törəmələri fəaliyyət göstərən ölkələrə, həmçinin həmin ölkələrdəki maliyyə qurumlarına ikincili sanksiya tətbiqi ilə bağlı xəbərdarlıq edib.
Onu da qeyd edək ki, Azərbaycanda da VTB bankın törəməsi fəaliyyət göstərir. Rusiya ilə ticarət əməliyyatları demək olar ki, bütünlüklə onun vasitəsilə maliyyələşdirilir.
Musavat.com
XƏBƏR LENTİ
20 Sentyabr 2024
19 Sentyabr 2024
ŞƏRHLƏRŞƏRH YAZ