Onlayn ictimai-siyasi qəzet
Putin Şolts vasitəsilə Zelenskiyə hansı mesajı verib?
“Rusiya prezidenti Vladimir Putin Kiyevdə səfərdə olan Almaniya kansleri Olaf Şolts vasitəsilə Volodimir Zelenskiyə heç bir mesaj verməyib”.
Musavat.com xəbər verir ki, bu barədə Rusiya dövlət başçısının mətbuat katibi Dmitri Peskov məlumat verib.
Peskov jurnalistlərin “Putin Zelenskiyə hər hansı mesaj göndərmişdi?” sualına “Xeyr” deyə cavab verib.
Xatırladaq ki, noyabrın 15-də Vladimir Putin Olaf Şoltsla telefonla danışıb, prezidentlər Ukraynadakı vəziyyəti müzakirə ediblər. Şolts son iki il yarım ərzində ilk dəfə Kiyevə elan olunmamış səfər edib. Almaniya hökumətinin başçısı Volodimir Zelenski ilə yenidən görüşəcək.
Almaniya kansleri “X”də yazıb ki, o, dekabrda Berlinin Ukraynaya 650 milyon avro dəyərində silah tədarük etmək planları barədə Zelenskiyə məlumat verəcək.
Nigar HƏSƏNLİ,
Musavat.com
XƏBƏR LENTİ
02 Dekabr 2024
ŞƏRHLƏRŞƏRH YAZ