Onlayn ictimai-siyasi qəzet
Pula qənaət etmək üçün kruiz gəmisində yaşayır
Amerikalı Ryan Gutridge ev kirayəsindən daha ucuz olduğunu iddia edərək, bir kruiz gəmisində yaşayır.
Bu barədə "İnsider" məlumat yayıb.
Adam İT sahəsində mühəndis kimi işləyir və 2021-ci ildə uzaqdan işləməyə başlayıb. Pandemiya zamanı onun komandası uzaqdan işləyə və lazım olan məlumatı istənilən yerdən əldə edə bilib.
O zaman kruiz gəmiləri şirkətləri gəmilərin nə vaxt xidmətə qayıdacağı barədə açıqlama vermirdilər. Bununla belə, Ryan Gutridge qısa bir müddət kruiz gəmisində yaşamağa qərar verib.
O, belə şəraitdə işləməyə cəhd etmək istəyirdi. Bunun üçün Wi-Fi və ciddi təhlükəsizlik tədbirlərinə riayət etməli idi. Artıq 2021-ci ilin yayında o, kruiz sifariş edib və sentyabr ayında yola düşüb.
İlk təəssürat çox müsbət idi, lakin amerikalıya köçəri olmaqdan əvvəl bir neçə uğurlu nümunə lazım idi. O, müəyyən hesablamalar apardıqdan sonra belə qənaətə gəlib ki, dənizin ortasında kruiz gəmisində 300 gecə yaşamaq mənzil kirayəsi ilə bərabər olacaq.
Üstəlik, kruiz gəmilərinin pulsuz internet və pulsuz içkilər də daxil olmaqla bir sıra mühüm üstünlükləri var. Bu, Ryana evdə olarkən istifadə etməli olduğu xidmətlərə qənaət etməyə imkan verib.
Onun bütün xərcləri avtomatik qeyd etmək üçün xüsusi cədvəli var və o, hər il büdcə də tərtib edir. Bu il Ryan Gutridgenin büdcəsi təxminən 30.000 dollar idi.
“Keçən il, həqiqətən rəqəmlərə və gəmidə 300 gecə qalmaq üçün nə qədər ödədiyimə baxanda gördüm ki, bu, mənzil kirayəsi və kommunala ödədiyimdən demək olar ki, ucuzdur. Florida ştatının Fort Lauderdale şəhərindəyəm”, deyə o bildirib.//Lent.az
XƏBƏR LENTİ
23 Noyabr 2024
22 Noyabr 2024
ŞƏRHLƏRŞƏRH YAZ