Onlayn ictimai-siyasi qəzet
Tramp Dövlət Departamentini "söküb, yenidən yığır" - DEMOKRATİYA VƏ İNSAN HAQLARI İXTİSAR EDİLİR
ABŞ prezidenti Donald Trampın administrasiyası Dövlət Departamentində radikal struktur islahatları həyata keçirməyi planlaşdırır.
Musavat.com bildirir ki, “The New York Times”ın əldə etdiyi icra sərəncamı layihəsinə əsasən, bu dəyişikliklər Afrika regionu ilə bağlı demək olar ki, bütün diplomatik fəaliyyətlərin ləğvini və demokratiya ilə insan haqları üzrə fəaliyyət göstərən ofislərin bağlanmasını nəzərdə tutur.
Layihəyə görə, ABŞ-ın Afrika ölkələrindəki diplomatik iştirakı minimuma endiriləcək, regional əməkdaşlıq proqramları dayandırılacaq. Eyni zamanda, dünyanın müxtəlif bölgələrində insan haqları və demokratik islahatları dəstəkləyən struktur bölmələrin fəaliyyətinə də son veriləcək.
Bu təşəbbüs Dövlət Departamentində geniş narahatlığa səbəb olub. Mütəxəssislər bunun ABŞ-ın qlobal nüfuzuna, xüsusən də Afrika və inkişafda olan ölkələrlə münasibətlərinə ciddi zərbə vura biləcəyini bildirirlər.
Hazırda məsələ ilə bağlı rəsmi qərar verilməyib, lakin Tramp administrasiyasının “Amerika prioritetləri” konsepsiyasına uyğun olaraq, bu tip sərt və təcridçi addımlar atacağı ehtimal olunur.
ABŞ mediası baş verənləri “diplomatiyanın sadəcə hərbi və iqtisadi çərçivəyə sıxışdırılması cəhdi” kimi qiymətləndirir. Gözləntilərə görə, yaxın günlərdə məsələ ilə bağlı daha geniş izahat veriləcək.
Xəbərin ORİJİNALI burada: https://www.nytimes.com/live/2025/04/20/us/trump-news?smid=whatsapp-nytimes
Musavat.com
XƏBƏR LENTİ
20 Aprel 2025
ŞƏRHLƏRŞƏRH YAZ