Onlayn ictimai-siyasi qəzet
Polşa Belarusla sərhədi Amerika helikopterləri ilə qoruyacaq
Polşa Belarusla sərhəd bölgəsini Amerika helikopterləri ilə əhatə etməyi planlaşdırır.
Musavat.com xarici mediaya istinadla xəbər verir ki, Polşanın milli müdafiə naziri Mariuş Blaşçakın verdiyi məlumata görə, Varşava ölkənin şərq cinahında müdafiəsini gücləndirəcək təchizata ümid edir.
"Biz gələn həftə ABŞ Konqresinin "Apaçi" helikopterləri ilə bağlı müraciətimizi təsdiqləmək üçün qərarını gözləyirik. "Apaçi" "Abrams"la birlikdə Brest qapılarını bağlayayan bir maneə yaradacaq". (Narev və Buq çayları arasında, Brest yaxınlığında 80 km enində zolaq nəzərdə tutulur). Məsələ burasındadır ki, "Abrams" tankları "Apaçi" ilə birlikdə keçilməz sədd təşkil edir.
O, həmçinin əlavə edib ki, Cənubi Koreyanın K2 "Qara panter" tankları, "FA-50" döyüş təyyarələri və HIMARS artilleriya sistemləri artıq sərhədin bu hissəsində yerləşdirilib.
Bundan əvvəl məlum olub ki, Polşa və ABŞ Varşava yaxınlığında Amerikanın "Apaçi" helikopterlərindən istifadə etməklə birgə təlimlər keçirəcək. Bunu ABŞ-ın Polşadakı səfiri Mark Bjezinski deyib. Manevrlər avqustda Nadarzindəki poliqonda baş tutacaq.
Musavat.com
XƏBƏR LENTİ
05 Oktyabr 2024
04 Oktyabr 2024
ŞƏRHLƏRŞƏRH YAZ