Onlayn ictimai-siyasi qəzet
Pezeşkian Trampın təhdidlərinə CAVAB VERDİ
İran ABŞ-la təhdidlər altında deyil, bərabər hüquqlar əsasında danışıqlar aparmağa hazırdır.
Musavat.com xəbər verir ki, bunu İranın prezidenti Məsud Pezeşkian ABŞ lideri Donald Trampın təhdidlərinə münasibət bildirərkən deyib.
"İran bərabər şərtlərlə dialoq istəyir. Bir tərəfdən İranı təhdid edir, digər tərəfdən isə danışıqlar istəyirlər. Əgər danışıqlar aparmaq istəyirsənsə, təhdidlərin nə mənası var? ABŞ bu gün təkcə İranı deyil, bütün dünyanı aşağılayır. Bu davranış danışıqlar çağırışına ziddir", - deyə İran prezidenti bildirib.
Mart ayında ABŞ prezidenti Donald Tramp deyib ki, o, İranın ali lideri Əli Xameneiyə nüvə proqramı barədə müzakirələr aparmaq üçün məktub göndərib.
Tramp həmçinin qeyd edib ki, o, İranla nüvə proqramı haqqında müqavilə bağlamağı üstün tutar:
"İran danışıqlar aparmasa, bu, onun üçün çox pis olacaq. İran nüvə silahı əldə etməməlidir. Digər variantlar da mövcuddur", - deyə Tramp vurğulayıb.
Bununla yanaşı, İranın ali lideri bildirib ki, ABŞ öz tələblərini qəbul etdirmək və hökmranlıq qurmaq istəyir, amma Tehran buna razı olmayacaq. İranın xarici işlər naziri Abbas Əraqçi isə bildirib ki, İran Tramp təhdidlərini davam etdirdiyi müddətcə ABŞ-la birbaşa danışıqlar aparmayacaq. O, həmçinin əlavə edib ki, Tehran vasitəçilər vasitəsilə dolayı danışıqlara hazırdır.
30 mart tarixində Tramp İranı "heç vaxt görmədiyi bombalama əməliyyatları ilə" hədələyib. Bunun cavabında İranın ali lideri bildirib ki, Tehran hər hansı bir hücuma ən qətiyyətli şəkildə cavab verəcək.
Musavat.com
XƏBƏR LENTİ
06 Aprel 2025
ŞƏRHLƏRŞƏRH YAZ