Onlayn ictimai-siyasi qəzet
"Petkim" yeni nailiyyətlərlə tarix yazır - Kənan Mirzəyev açıqladı
SOCAR Türkiyənin tərkibində fəaliyyət göstərən "Petkim" Türkiyənin ilk və yeganə inteqrasiya olunmuş neft-kimya müəssisəsi olaraq, həm ölkə daxilində, həm də qlobal bazarda uğurlarını davam etdirir.
Musavat.com xəbər verir ki, bu barədə məlumatı "Petkim Petrokimya Holding"in Baş direktoru Kənan Mirzəyev verib.
O, "Petkim"in son illər uğurları barədə aşağıdakı göstəriciləri açıqlayıb:
"Petkim"in əsas göstəriciləri:
- Beynəlxalq bazarda liderlik: "Petkim" hazırda 48 ölkəyə ixracat həyata keçirir. 15 əsas istehsal müəssisəsində 3,6 milyon ton maksimum istehsal gücünə malikdir və 60-a yaxın müxtəlif növ məhsul istehsal edir. "Petkim" ölkənin neft-kimya məhsullarına olan ehtiyacının təxminən 10,8%-ni təmin edir.
- İnsan resursları: Müəssisədə 2.446 işçi çalışır, podratçılarla birlikdə ümumi məşğulluq 5.000 nəfərdən çoxdur.
- Bərpa olunan enerji:2017-ci ildə istifadəyə verilən 51 meqavat gücündə “Petkim Külək Elektrik Stansiyası” bərpa olunan enerjiyə töhfə verir".
Kənan Mirzəyev qeyd edib ki, "Petkim" 2020-ci ildə Dünya İqtisadi Forumunun “Global Lighthouse Network” platformasına seçilib.
2022-ci ilin sonunda 6,5 milyard TL xalis mənfəətlə 58 illik tarixinin ən yüksək nəticəsini əldə edib.
- Ən yaxşı ixracatçılar sırasında: 2023-cü ildə Türkiyə İxracatçılar Məclisinin (TİM) “Ən Yaxşı 1000 İxracatçı” siyahısında 40-cı yeri tutub.
Egey Zonası Sənaye Palatasının (EBSO) “100 Ən Böyük Şirkət” siyahısında üçüncü yeri, Egey İxracatçıları Birliklərinin "2023 İxracatın Ulduzları" siyahısında isə həm ümumi, həm də kimya kateqoriyasında birinci yeri tutub.
- Sənaye sıralamaları:
2023-cü ildə "Petkim":
- İstanbul Sənaye Palatasının (İSO) "Türkiyənin 500 Ən Böyük Sənaye Müəssisəsi" siyahısında istehsaldan satış üzrə 35,9 milyard TL ilə 30-cu sırada,
- FORTUNE 500 Türkiyə siyahısında 36-cı sırada,
- Capital jurnalının “Capital 500” siyahısında isə 48-ci sırada yer alıb.
"Petkim"in uğurları SOCAR Türkiyənin enerji və sənaye sektorunda strateji mövqeyini daha da gücləndirir və regionun iqtisadi inkişafına böyük töhfələr verir".
Musavat.com
XƏBƏR LENTİ
07 Yanvar 2025
ŞƏRHLƏRŞƏRH YAZ